Salangen-Nyheter

Mangler tittel!

Ráđđealmmái Loabága suohkanis, Erling Hansen. FOTOS: JON HENRIK LARSEN

RUŊGU: Lei mannan lávvordaga iđđes ahte politiijat ja buollinsuodjalus ožžo dieđu ahte viessu lei buollan Ruŋgus. Go viessu lei dakkár sajis ahte ii leat gullevaš suohkana čáhcerusttegii de ferteje časkadeaddjit geavahit joga čahcii jáddadit buollima.

Salangen-Nyheter
Nye Salangen-Nyheter AS

Publisert:

Sist oppdatert: 07.03.2013 kl 00:00

Manai lassi áigi ovdal go sáhtte álgit jáddadit buollima go čahcii váilui. Časkadeaddjit ferteje álggos rahkadit ráiggi jikŋii ovdal go sáhtte vieččat čázi doppe. Lei aŋkke beare maŋŋit gaddjut viesu jáddadeamin ja viesus gávdnui lávvordaga maŋŋelgaskabeaivve olmmoš japman.

Ráđđealmmái Loabága suohkanis, Erling Hansen, áigu iskat vejolašvuođaid lasihit čáhcegearggusvuođa Ruŋgus go leat buollimat. – Dađibahábut lea nu ahte justte dán áššis ii livččii leamaš earuhus vaikko livččii leamaš nu ahte viessu lei gullevaš suohkana čáhcerusttegii go buollin galggai jáddaduvvot. Dát dan dihte go viessu lei jo badjemeriid buollime go heahteveahkit bohte saddjái, muitala Hanssen.  Ráđđealmmái ii loga leahkit veadjemeahttun ahte jearaldat hukset čáhcerusttega Ruŋgui sáhttá fas loktanit. – Mii áigut geahččat ja iskat vejolašvuođaid láhčit nu ahte dakkár buollimat eai dahpahuvva fas. Muhto in duostta lohpidit maidege dás, loahpaha Hanssen.