Salangen-Nyheter

Mangler tittel!

VUOTNASIIDA: Suohkanstivračoahkkinis mannan mánnodaga Siellaga suohkanis lea ášši mánáidgárdehámi birra meannudeapmái.

Salangen-Nyheter
Nye Salangen-Nyheter AS

Publisert:

ANNONSE
Annonse

- Nu movt mii oaidnit dán ášši de gávdno jo mearrádus 2011 bušeahta oktavuođas ahte galgá leahkit okta váldománáidgardi go Siellaga skuvla lea garvvis. Mii háliidit diehtit manne hálddahushoavda lea sihttán suohkanstivra meannudit ášši vel oktii, logai Terje Bertheussen Siellaga Olgešbellodagas. Viidásit son ovdanbuvtti evttohusa ođđa miellaguddui go Olgešbellodaga mielas lei dát maid hálddahus ovdanbuvtti eahpečielggas. Sii oaivvildedje ahte ii boađe doarvái bures ovdan makkár hápmi addá buoremus seasttáhasa.  - Lea leamaš eahpesihkar maid suohkanstivra oaivvilda mánáidgárdehámi birra. Dát dan dihte go leat boahtán iešguđetlágan politihkalaš signála válgga oktavuođas 2011is. Maid go plánenstrategiija ráhkaduvvui de ii boahtán ovdan gálga go dušše okta váldománáidgárdi Siellagis, muhto ahte dáhtot goaruhallama mánáidgárdehámis, logai hálddahushoavda Elisabeth Nutti. Son maid logai ahte dát ferte čielggahuvvot ovdal go sáhttet álggahit doaibmaanaliisa Vasshaug skuvla ovddas.  Sigrun Wiggen Prestbakmo Guovddašbellodagas logai ahte sin mielas Olgešbellodaga evttohusas čalmmustahttojuvvo ekonomalaš perspektiiva bearehaga ja ii doarvái pedagogalaš ja geavaheaddjit perspektiiva.  Suohkanhálddahusa evttohus buorrindohkkehuvvui Olgešbellodaga evttohusa ovdal eanetloguin.

ANNONSE
Annonse