Salangen-Nyheter

Siellaga Rukses Ruossa dárbbaša du:

Šatta guosseolmmái

Siellaga Rukses Ruossa dárbbašit eambbo eaktodáhtolaš veahkit. GOVVA: CAMILLA FINVIK.

VUOTNASIIDA: 2012is lei Rukses Ruossas stuora fokus bargat oktovuođa vuosttá. Juohke sajis leat olbmot geain lea váttis dilli ja geat bártidit iežas váttisvuođain. Dál sii áigot joatkit dainna bargguin.

Salangen-Nyheter
Nye Salangen-Nyheter AS

Publisert:

ANNONSE
Annonse

Siellagis áigu Rukses Ruossa čujuhit dán bárggu otne bearjadaga 3.beaivve miessemánus diibmu 10 Coop Prixas Vuotnasiiddas. Sii háliidit dál viiddidit barggu vai oaččut guosseolbmáid olggobealde márkana maid. Dasa sii dárbbašit olbmuid geat háliidit ja sáhttet bargat eaktodáhtolaččat. Rukses Ruossa guosseolbmát fitnet olbmuid guossis geat háliidit muhtima geainna humadit ja geainna sáhtte juohkit iežas morrašiid ja suohttasiid. Dát sáhttet leahkit olbmot geat leat akto, buohccit, boarrásat ja nu ain. Guosseolbmát eai fina buohkaid guossis, dušše sin luhtte geat háliidit dan.

Váldde oktavuođa

Jus don háliidat leahkit guosseolmmái de váldde oktavuođas Siellaga Rukses Ruossa jođiheaddjin May Eriksen. Geahča min neahttasiidduid ja doppe gávnnat dieđuid movt suinna váldit oktavuođa. Don sáhtát váldit oktavuođa suinna E-boasta bokte dán čujuhusain: sfrivill@online.no dahje telefuvnna bokte: 995 81 707.