Salangen-Nyheter

Várdobáiki Sámi Guovddaš bovde:

Báikenammaseminára

Giellajáhki 2013 ávvuduvvo Várdobaikis seminárain. GOVVA: VÁRDOBÁIKI SÁMI GUOVDDAŠ

EVENÁŠŠI: Várdobáiki Sámi Guovddaš lágida Báikenammaseminára Evenesmark giliviesus duorastaga 7.beaivve njukčamánus.

Salangen-Nyheter
Nye Salangen-Nyheter AS

Publisert:

Várdobáiki lea lulli-Romssa ja davvi-Nordlándda guovllu sámi guovddáš, mas lea ulbmil seailluhit ja ovdánahttit guovllu sámegiela, kultuvrra ja servodateallima. Sii barget earenoamážit sámi báikenamaiguin ja sis lea sierra báikenammalávdegoddi. Dát lávdegoddi lea dan maŋemuš golbma jagi evttohan čállinvuogit ollu sámi báikenamaide, mat ges leat sáddejuvvon mearridanváldi eiseválddiide.

Dehálaš giellačalmmustahtin

2013 lea nammaduvvon Giellajáhkkin ja Várdobaiki Sámi Guovddaš háliidit dán čujuhit lágidit Báikenammaseminára. Giellajáhkki 2013 lea utnolaš ja fátmmastahtti ávvudeapmi norgga giellariggodagas ja dása gullá maid sámegiella. Báikenamat leat dehálaš giellačalmmusteamit sihke historjjálaččat ja kultuvrralaččat otná servodagas. Prográmmas leat sihke logaldallit Sámedikkis, Stáhta Kártadoaimmahusas, politihkkarat, Statens Vegvesen ja vel earát. Seminára álgá diibmu 9.30 ja bistá 15.30 rádjai.