Viimmat buot jienastusat lohkkon:
Bohtosat gárvásat
SÁPMI: Dál leat buot jienastusat lohkkon Sámedikki válggas, 66,9 proseanta. Lea leamaš moivi ja maŋŋoneapmi loahppabohtosis muhto dál lea mandáhtaid juohkáseapmi gárvvis.
Publisert: 22.09.2013 kl 00:00
Go dál leat buot jienastusat lohkkon min válgabirrasis de leat 76 jiena boahtán lassin, ollislaččat 946 leat jienastan, 58,9 % jienastusat. Leat rievdadusat ovddit lohkamis. NSR masse ovtta mandáhta ja su ovdii bođii Olgešbellodagas áirras sisa.
GOVVA:SIELLAGA-OĐĐASAT
Viestarmera válgabiires leat oktiibuot 35 suohkana, ja ledje jienastusat Gásluovttas Divttasvuona suohkanis mat maŋidedje loahpalaš lohkama. Sivvan dasa lei ahte ledje leamaš boastakantuvras Narvikas bearjadaga rájes.
Dál leat buot jienat buot válgabiiriin lohkkon ja loahpalaš juohkáseapmi mandáhtain lea ná:
GOVVA:SIELLAGA-OĐĐASAT
Dál ii leat go vuordit ja oaidnit gii šaddá Sámedikki ođđa presideanta, muhto doaivumis lea NSR gii váldá badjelasas dán barggu go sis lea stuorimus oassi mandáhtain Sámedikkis.