Salangen-Nyheter

Sámedikki jienastuslohku:

Borch čálihan iežas

Sandra Borch ávžžuha buohkaid, ja earenoamážiid nuoraid dieđihit iežaset Sámedikki jienastuslohkui. GOVVA: JON HENRIK LARSEN

VUOTNASIIDA:  Moadde vahku áigi dieđihuvvui ahte nuorra Guovddášbellodaga politihkar Sandra Borch lea čálihan iežas Sámedikki jienastuslohkui. Borch gii lea Loabágis eret dovdá dán lunddolažžan alcces.

Salangen-Nyheter
Nye Salangen-Nyheter AS

Publisert:

ANNONSE
Annonse

Sandra Borch lea nuorra politihkar ja go son lea jođihan sámepolitihkalaš lávdegotti Loabága suohkanis de orui su mielas hui lunddolaš ahte son čálihii iežas Sámedikki jienastuslohkui. – Go lean suohkanis eret mii lea sámi suohkan ja go mus maiddai leat sámi ruohttasat de dovdui hui lunddolažžan dieđihit iežan jienastuslohkui, lohka Borch neahttaáviisii.

Giella ja kultuvra

Borch muitala ahte sus lea álo leamaš beroštupmi sámi gielas ja kultuvras, ja ahte su mielas lea dehálaš váldit vára das. – Ovdal lei nu ahte lei heahpat muitalit ahte leat sápmelaš ja lei juoga mii lei čatnon negatiiva guvlui. Dán dihti lea nu ahte mii leat massán ovtta buolva sihke giela ja kultuvra bealis, lohka Borch. Son maid lohkka ahte leat unnánat dán guovllus geat máhttet sámegiela, ja son lea maid okta dain. Doaivva lea ahte go dieđahat iežas Sámedikki jienastuslohkui de šaddá stuorit fokus váldit giela ruovttoluotta.

Ii váttis

Jus háliidat jienastit go lea Sámedikki válga de fertet leahkit mielde jienastuslogus ja dohko fertet dieđihit iežas dahje čálihit iežas. Ii leat nu dego Stuoradikki válggas ahte go leat Norgga stáhtaborgár de beasat jienastit. Borch muitala ahte leat olusat Finnmárkkus maiddai geat eai leat dieđihan iežaset jienastuslohkui ja doppe leat sihkkarit olusat geat leat eambbo sápmelaš go son. – Ii leat váttis dieđihit iežas Sámedikki jienastuslohkui. Don manat Sámedikki neahttasiidui ja deavddát doppe skovi gosa galggat čállit movt don leat sápmelaš. Hui álki ja nu dehálaš, deattuha Borch loahpalaččat. Áigemearri dieđihit iežas jienastuslohkui lea 30.beaivve geassemánus ja de beasat dán jágii jo jienastit Sámedikki válggas.

Dá gávnnat eambbo dieđuid: http://www.samediggi.no/Valga