Salangen-Nyheter

Viimmat gárvvis ja sáddejuvvon:

Cealkámuš ONii

Sámedikki internašunála ovddasteaddji John Bernhard Henriksen muitala ahte cealkamuš dál lea sáddejuvvon. VUORKAGOVVA: JON HENRIK LARSEN

SÁPMI: Alta-cealkámuš lea dál lea sáddejuvvon ON generálačállái ja lea Sámedikki internašunála ovddasteaddji John Bernhard Henriksen gii dán muitala.

Salangen-Nyheter
Nye Salangen-Nyheter AS

Publisert:

Annonse

NRK Sápmi dieđiha ahte Alta-cealkámuš dál lea sáddejuvvon ON generálačállái ja lea Sámedikki internašunála ovddasteaddji John Bernhard Henriksen gii dán muitala. Cealkámuš mas lea hupmu lea loahppacealkámuš mii gárvejuvvui ráhkkanaddi álgoálbmotkonferánsas mii lágiduvvui Álttás geassemánus dán jagi, mas Sámediggi lei lágideaddjin. Okta váldočuoggáin cealkámušas lea stuorit iešmearrideapmi álgoálbmogiidda.

Almmolaš dokumeanta

Dan ahte cealkámuš dál lea sáddejuvvon ON generálačállái Ban Ki-moonii mearkkaša ahte lea almmolaš ON-dokumeanta. – Dát lea duođaid dehálaš, go olles ulbmil Alta-konferánsas lei ahte geahččalit váikkuhit máilmmikonferánsaproseassa, lohkka Henriksen. ON generálačoakkalmas meannudii 2010is ahte sii áigot čađahit máilmmikonferánsa álgoálbmogiid birra Amerihkás 2014.

Positiiva váikkuhusat

Alta-cealkámuš lea maiddai dohkkehuvvon ON olmmošvuoigatvuođaráđis. – Dát čájeha ahte Alta-cealkámuš lea jo álgán váikkuhit hui positiivalaččat máilmmikonferánsaproseassa, lohka Henriksen. Dát mii dál vel váilu máilmmi álgoálbmogii lea oaččut nu olu go vejolaš Alta-cealkámušas mielde loahppadokumentii máilmmikonferánsas.