Salangen-Nyheter

Perpetuum ovttastuvvo:

Dál šaddá oktiičaskin

Odd Egil Antonsen oassálasti hárjehallamis Girkonjárggas mannan vahkus. GOVVA: WENCHE KANSTAD

SALANGSVERKET: Eai boađe šaddat stuora rievdadusat bargiide Perpetuum-ossodagas mii lea Siellagis go dál galget oktiičaskojuvvot ossodagain Girkonjárggas. Muhto eambbo ovttasbargu gal šaddá.

Salangen-Nyheter
Nye Salangen-Nyheter AS

Publisert:

Annonse

Otne sotnabeaivvi 1.beaivvi čakčamanus ovttastuvvo Perpetuum Miljø AS ja Perpetuum Waste Management AS ossodat Girkonjárggas. Ulbmil ovttastumis lea álkidahttit fitnodathámi Perpetuum-konsearnas. Oktiičaskin ii boađe čuohcat ossodahkii Girkonjárggas, dieđiha Perpetuum neahttaáviisii.

Viidodat stuorru

- Mii boahtit leahkit eambbo oidnosis go dál min doaibma boahtá šaddát stuorit ja gokčat eambbo surggiid, muitala beaivválaš jođiheaddji Britt Limo telefuvnna bokte neahttaáviisii. Jus lea dárbu de sáhttet bárgit sirdašuvvot guovlluide gos lea stuoribuš doaibma oanehis áigodagas. Dát sáhttá leahkit ovdamearkadihti go leat sierra prošeavttat dahje stuorit barggut. Dat earenoamáš biillat mat fitnodagas leat sáhttet maid sirdašuvvot gaskkal ossodagaid jus lea dárbu.

Doaimmat

Jur aiddo lei Perpetuum mielde hárjehallamis Girkonjárggas Norgga-Ruošša rájas. Dán hárjehallamis oassalastii Odd Egil Antonsen gii lea ossodatjođiheaddji Perpetuum-ossodagas Siellagis. – Hui gelddolaš leahkit mielde dakkár hárjehallamis, muitala Antonsen neahttaáviisii. Sis lei hárjehallan káija alde Girkonjárggas. Dáppe ledje maid guokte olju suodjalus fitnodaga Ruoššas. Vai galget sáhttit váldit vara davviguovlluin de lea dehálaš ahte goappašat riikat leat mielde das ja ahte barget fárrolaga. – Danne lea nu buorre ahte mii sáhttit lágidit dakkár hárjehallamiid ovttas, lohka Antonsen. Dainna lágiin boahtá gearggusvuohta leahkit buorre jus lihkuhisvuođat dahpahuvvot.

Odd Egil Antonsen lea hui positiiva ovttastuvvomii Perpetuum ossodagain. GOVVA: WENCHE KANSTAD

Ovdáneapmi

Perpetuum, mii gokčá olles Davvi-Norgga iežas viđa kantuvrrain, jođihedje 2007as 17 miljon ruvnno ovddas. Dán jagi ovddas orro leamen ahte sii bohtet gálvojođihit rámálmas 50 miljon ruvnno ovddas. – Mii boahtit leahkit eambbo oidnosis ja dađistaga bohtet maid eambbo bargosajit, loahpaha Britt Limo.