Salangen-Nyheter

Máilmmi doaibmabeaivi:

Doaimmalaš árgabeaivi

Jođiheaddji penšunista searvvis Per Haugli ja álbmotdearvvašvuođa oktiiheiveheaddji Øystein Åresen bovdeba doaluide Strandsenteris. GOVVA: MICHAEL TORØD

VUOTNASIIDA: Otne bearjadaga 10.beaivve miessemánus lea čalmmusteapmi máilmmi doaibmabeaivvis Strand-Senteris Vuotnasiiddas. Doppe lea sihke konsearta, dánsun, bingo ja diehttelas dehálaš diehtojuohkin movt galgá eastadit dearvvašvuođa beaivválaš doaimmain.

Salangen-Nyheter
Nye Salangen-Nyheter AS

Publisert:

Sist oppdatert: 10.05.2013 kl 00:00

ANNONSE
Annonse

Lea Siellaga Penšunista searvi geat leat válljen čalmmustahttit dán beaivvi ja dainna lágiin rahkadit positiiva miela jurddašit dearvvašvuođa doaimmaid birra beaivválaččat. – Lea stuora ovdamunni dearvvašvuođa ovddas ahte sii geat leat olu jaska čohkkan álget leahkit eambbo aktiiva. Dat lea dát mii galgá leahkit guovddážis otne, lohka jođiheaddji penšunista searvvis Per Hauglid.

Eai lossa veavttat

Øystein Ånesen, gii lea álbmotdearvvašvuođa oktiiheiveheaddji Siellagis, deattuha ahte ii leat jurdda oaččut olbmuid lovttahallat lossa veavttaid, muhto baicce smávvát rievdadit iežas beaivválaš doaimmaid. – Dušše dan ahte vázzit rámbuvri go galggat gávppašit ja ii vuoddjit biillain lea rievdadus árgabeaivvis mii lea buorre dearvvašvuhtii, lohka Ånesen.

Otná čalmmusteapmi álgá diibmu 10 ja bistá diibmu 15 rádjai. Lea Hanne Dahlberg gii doallá unna konsearta, nuvttá bingo mas leat vuoittut, dánsun ja kaféa.