Salangen-Nyheter

Doarjjakonsearta

VUOTNASIIDA: Eambbo ja eambbo lea saddjái boahtán doarjjakonsertii mii gálga lágiduvvot Siellaga suohkanis 30.beaivve ođđajagemánus. Konsearta lea doarjjan Kvien-bearrašii geat vásihedje surgadis dáhpáhusa go tealtá gos mánát ledje oađđimin buollái fargga golbma jágii áige.

Salangen-Nyheter
Nye Salangen-Nyheter AS

Publisert:

Annonse

Lea Siellalaš Christer Møller gii lea álggaheaddji doarjjakonsertii bearraša ovddas. Dál son lea fáhten artisttaid nu go Åge Aleksandersen, Jonas Fjeld ja Jørn Hoel namuhandihti muhtumiid. Møller ieš lea hui movttet go ná stuora násttit háliidit oassálastit ja čuojahit nuvttá doarjundihti Kvien-bearraša. – Dál mis lea visot maid dárbbašit ja veahá vel. Mun lean áibbas hirpmahuvvon go leat nu ollugat geat leat lohkkan jua ja háliidit dás leahkit oassin. Leat maid sadden bovdehusa stáhtaministarii, muhto eat dieđe vel boahtágo son, lohkka Møller.

Loabága suohkana mobiila lávdi luoikkahuvvo nuvttá konsertii ja jiena ja čuovgga, mas lea árvu 60.000 ruvnno, sii oččot nuvttá Maestro Sound fitnodagas Rivttagis. Leat maid olusat geat háliidit veahkehit čoavdindihti praktihkalaš doaimmaid.

Visot badjebáza manna Kvien-bearrašii. Bileahtta máksá 200 ruvnno ja sáhttet ostojuvvot Narvesen ja Best-buvddain Siellagis. Jus ii leat vejolaš oassálastit konsertii muhto aŋkke háliidat doarjut de lea ráhkaduvvon sierra kontu gosa sáhtát biddját ruđaid. Geahča min neahttasiidduid eambbo dieđuid dán birra. Konsearta álgá diibmu 18 Salangshallenis Vuotnasiiddas 30.beaivve dán mánus.