Salangen-Nyheter

Doarju giellalávguma

DEANNJA: Ástávuona giellagoahti Loabágis lea ohcan Sámedikkis ja Romssa fylkkasuohkanis doarjaga joatkit sámi giellalávgun-modealla suohkana mánáidgárddis. Sámediggi juolluda 400.000 ruvnnu prošektii ja Romssa fylkkasuohkan doarju 200.000 ruvnnuin.

Salangen-Nyheter
Nye Salangen-Nyheter AS

Publisert:

ANNONSE
Annonse

Sámedikki várrepresideanta Laila Susanne Vars lea ilus geahččalit ođđa vugiid mo oahppat sámegiela. Ástávuona giellagoahti lea viežžán giellalávgun-modealla Wales guovllus gos buriid bohtosiiguin leat nagodan geavahit mánáidgárddiid giellaarenan, ii dušše mánáide, muhto maiddái bargiide. Dál áigot sii sámegiela oahpahit ii duššo mánáide, muhto maid nuoraide ja rávisolbmuide sierra gielahoahpuhalli doaimma bokte. -Mii diehtit ahte mađi árabut mánát oahppagohtet giela, dađi buoret – erenoamáš dehálaš lea dát guovlluin gos sámegiella unnán gullo ruovttuin. Danin leat mii sámedikki mánáidgárdedieđáhusas geažuhan ahte sámi mánáidgárddiin lea erenoamáš ovddasvástádus bargat giellaovddidemiin. Mun lean hui ilus go Ástávuona giellagoahti oaidná dán ovddasvástádusa, ja go dustet geahččalit ođđa vugiid movt mánáide ja rávisolbmuide oahpahit sámegiela, dadjá sámedikki várrepresideantta Laila Susanne Vars.