ANNONSE

Artikkelen fortsetter etter annonsen.

Annonse
Salangen-Nyheter

Bardu Cup ruovttoluotta:

Fas ealáskan

Dán vahkkoloahpa lea fas áigi spábbačiekčangilvvuide Beardu-hállas.

BEARDU/SETERMOEN: Spábbačiekčangilvu mii lea Beardu-hállas lágiduvvo dán vahkkoloahpas. – Maŋŋel máŋga jagi de lea fas Bardu Cup ealáskan ja šaddá jáhkalaš valáštallan dahpahus. Dán ánssášit nuorat Beardus, lohka jođiheaddji Bardu IL spábbačiekčanjoavkkus Terje Nyberget neahttaáviisii.

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

Jo bearjadaga 15.beaivvi skábmamanus dii. 17.30 čievččastit johtui vuosttaš kámpa ollislaččat 33 kámppain, mat bohtet čikčot gitta sotnabeaivái. Gilvu lea nieiddaide riegádan jagiin 97/98 ja bártniide riegádan 99/00. Lea nuvttá sisaboahtin ja rabas kaféa olles vahkkoloahpa.

Bures boahtin

- Mun lean hui duhtavaš olles stivrrain spábbačiekčanjoavkkus, geat ovttas gilvvu jođiheaddjin Thorbjørn Fosseng, leat biddján nu olu návccaid ja barggu oaččut dán spábbačiekčangilvvu johtui. Lea gal veaháš bargu mii galgá dahkkot, muhto leat ruvttus oaččut hui buori čiekčangilvvu, lohka Terje Nyberget, gii sávvá gehččiid bures boahtin miellagiddevaš spábbačiekčanvahkkolohppii mas lea leahttu.

Dieđihuvvon

Leat dieđihuvvon 5 nieidajoavkku Gironis, Beardus ja Bardufossas. Bártniin leat 6 joavkku dieđihan ja geat galget gilvalit vuoittuin. Dát bohtet Gironis, Siellagis, Beardus ja Bardufossas. – Dás šaddá leahttu ja speanta gitta loahppačiekčamiidda sotnabeaivvi, lohkka jođiheaddji spábbačiekčanjoavkkus. Son maid muitala ahte lea vejolaš vuoitit hui čáppa vánddardanpokála goappašat luohkáide, lassin dábálaš vuoittuide.