Salangen-Nyheter

Miellaláhki Lauvhállas:

Gelddolaš Sáivu

Sáivu lea sámi joavku gos Lásse Kvernmo, geas leat ruohttasat sihke Kárášjogas ja Rivttágis, lea lávlu ja gitára čuojaheaddji, Jan Ole Kristensen, lea Guovdageainnus eret. GOVVA: JON HENRIK LARSEN

DEANNJA: Mannan lávvordaga eahkeda lei sámi joavku Sáivu lávddi alde Loabágis go Heimkommar-vahkkoloahppa álggahuvvui. Joavku bovtti guldaleaddjit geat ledje boahtán Lauvhálli ja lei alla dássi sihke sin lávlumis ja čuojaheamis.

Salangen-Nyheter
Nye Salangen-Nyheter AS

Publisert:

ANNONSE
Annonse

Sáivu álggahedje konsearta lávvordaga eahkeda njeallje nuorra dievdduin; Lásse Kvernmo (lávlu), Jan Ole Kristensen (gitára/lávlu), Espen Høgmo (rumbbuin) ja Nikolai Main (keyboard). Láhttái ovddabealde lávddi čoahkkanedje veahážiid mielde olbmot, vaikko eanaš oassi válljeje čohkohallat sajiin.

Buorre miellaláhki

Joavku lei veaháš maŋŋonan, sullii bealle diimmu, ja bohte lavddi ala diibmu 20.30. Šattai áŋke buorre miellaláhki go joavku čuojahedje lávlagiid sin áiddo gárvejuvvon skearrus, Endings. Lávlu Lásse Kvernmo sáhti gaskkal lávlagiid muitalit ahte Richard Fortus, joavku bagadalli ja muhtumin gitáračuojaheaddji, ii sáhttán boahtit go lei buohcci. Jan Ole Kristensen, gii lea joavku gitára čuojaheaddji dábálaččat čuojahii bures ja joavku ovdanbukte buriin movttain.

Duhtavaš konsearttain

Lávlu Lásse Kvernmo mielas lei konsearta bures lihkostuvvan ja orui buorre miellaláhki. – Orui ahte olbmot liikoje musihkkii ja veahážiid mielde sii maid álge dánsut, logai son neahttaáviisii maŋŋel go lei leamašan lávdi alde. Lásse čilge ahte sin musihkka sáhttá juohkit guovtti osiide. – Okta oassi lea persovnnalaš vásáhusat ja nubbi oassi ges min oaidnu servvodahkii, lohka son. Go jearrat maid namma Sáivu mearkkaša son muitala ahte Sáivu lea namma sápmelaččaid jábmiidriikii, dološ sámi oskkus.

Fiinna liekkadeapmi

Sáivu nagodii veahážiid mielde loktet miellalági, váikko ii olahan gitta bajás. Guldaleaddjit orro loaktime konsearta, muhto árvideamis lei boahtte artistta gean eatnašat vurde. Aŋkke orui goit nu ahte Sáivu adde buot mii sis lei ja guldaleaddjit válde sin bures vuosttá.

ANNONSE
Annonse