Salangen-Nyheter

Geassi nohkan Elvelund Campingas:

- Giitu buot gussiide!

Tor-Arne Chruickshank sáhttá iluin geahččat maŋás geassái mii lei. GOVVA: CAMILLA FINVIK

VUOTNASIIDA: Dál lea čakča boahtán ja lastat leat fiskkodan, temperatuvrat njidjet ja campingsadji lea fas dálvái gidden. - Geassi 2013 lea leamaš buorre áigodat Elvelund Camping ovddas, lohka eaiggát Tor Arne Chruickshank.

Salangen-Nyheter
Nye Salangen-Nyheter AS

Publisert:

Tor Arne Chruickshank lohka neahttaáviisii ahte kaféa giddii lávvordaga eahkeda. – Lea áibbas dábálaš ahte mii geat bargat geasseturisman giddet dán áigge jagis. Muhto ieš alddis campingsadji lea rabas maiddai dálvet. Jus leaš ahte háliidat láigohit lanja, idjadit viessobiilan dahje bidjat vovnna dahje viessobiilla dasa dálvvi badjel de leat bures boahtin váldit oktavuođa.

Oidnojit muhtin dálvevovnnain dás duogábealde. GOVVA: CAMILLA FINVIK

Oaggunturistat

Leat eanaš sii geat oggot geat leat guossis Elvelund campingas geasset, ja lea gal nu ahte guollebivdin livččii sáhttán leahkit buoret dán geasi. – Lea dan fiinna dálki ja báhkaid sivva ahte lea leamaš nu. Go lea báhka de lassána temperatuvra čázis  mii ges dagaha ahte guolli ii nu bures loavtte, čilge Tor Arne.

Ii leat šat nu olu doaibma kaféaviesus dál go dálvái leat gidden. GOVVA: CAMILLA FINVIK

Giitevaš eaiggát

Go geahččá maŋás geassái de čájehit logut ahte lea leamaš lassáneapmi gussiin kaféas. Tor Arne háliida dan dihti giitit buot guossit ja márkanolbmuid geat leat leamašan borramin sin luhtte. – Leat olusat geat leat leamašan dáppe borramin gaskkabeivviid dán geasi. Muhtimat bohtet ruovttoluotta juohke jagi ja dat lea diehttelas earenoamáš somá. Lean bargan dainna dál 25 jagi dál. Dát áigodat ollislaččat dán jagi lea danne munnje hui fiinna ávvuskeaŋkan, loahpaha duhtavaš Tor Arne.