Salangen-Nyheter

Nuorra Barggaheaddjit Romssa fylkkas:

Hoavdan ovtta beaivái

Dát fiinna nuorat galget čuovvut ealáhusjođiheaddji otne. Inger-Andrea Østby gii lea Siellagis eret galgá čuovvut váldojođiheaddji Rica Grand Hoteallas Tromssas. GOVVA: UNGT ENTREPRENØRSKAP TROMS

VUOTNASIIDA/ROMSSA: Otne galget nuorra jođiheaddjit čájehit ahte sii oidnet vejolašvuođaid ja ahte dahkko juoga daiguin. Inger-Andrea Østby (govva) Siellagis eret lea okta dain.

Salangen-Nyheter
Nye Salangen-Nyheter AS

Publisert:

ANNONSE
Annonse

Otne, 16.beaivve golggotmánus galget 10 nuorat čađahit skuvlabeaivvi maid eai boađe vajáldahttit nu jođánit. Nuorat geat leat kvalifiseren leat ieža leamaš jođiheaddjit Nuoraidfitnodagain ja leat nuorra agis čájehan ahte sis leat dovddus attáldagat: Sis lea gudneáŋgirvuohta, duostilvuohta ja áigumuš!

Geográfalaš lávdadeapmi

- Dán jagi mis lea buori geográfalaš  lávdadeapmi daid ohppiid gaskkas geat oassálastet, Hárštás gitta Davvi-Romsii, muitala Anne Grete Johansen neahttaáviisii. – Mun galgan leahkit okta dain 10 nuorain Romssas gii galggan “suoivvanastit” ovtta váldojođiheaddji. Mun galggan čuovvut su gii lea alimus jođiheaddjin Rica Grand Hoteallas Tromssas, muitala Inger-Andrea Østby gii lea Siellagis eret. Mii sávvat mii beassat eambbo sus gullat maŋŋel go otná bargobeaivi lea nohkkan. Inger-Andrea lea maiddai bargan journalistan Siellaga Ođđasiin mannan geasi.

Bargu

- Áibbas friddja lávžžáid in gal jáhke ahte nuorat ožžot, muhto sii besset vásihit movt dát váldojođiheaddjit barget ja movt sii jurddašit. Dán vejolašvuođa eai leat gallisat geat ožžot. Mun sávan ahte beaivi šaddá sihke buorre oahppun ja maiddai movttiidahttin, sihke jođiheddjiide ja “suoivvaniidda”, lohka Anne Grete Johansen, beaivválaš jođiheaddji Nuorra Barggaheaddjit (Ungt Entreprenørskap) Romssas.

Rahkadit bálgáid

Nuorra Barggaheaddjit barget dan ovdii ahte ovddidit ovttasbarggu gaskkal skuvla ja ealáhusa. Mannan skuvlajagi sii čađahedje badjel 200 000 iešguđetlágan oahppi- ja studeantadoaimmaid. 11 438 oahppi joatkkaskuvllain álggahedje nuoraidfitnodaga gos sis ledje ráđđeaddit olggobealde skuvla. – Dán barggus mainna mii Nuorra Barggaheaddjit doaimmahit, lea ovttasbargu ealáhusain duođaid dehálaš. Dat lea min bargu rahkadit bálgáid gaskkal skuvllaid ja ealáhusa, ja gaskkal teoriija ja praktihkalaš barggu. Mii leat hui duđavačča ja rámis go váldojođiheaddjit servet dasa ahte movttiidahttit nuoraid geain leat állá ambišuvnnat, lohka Johansen.

Ráđđehus nanne Nuorra Barggaheaddjit

Lea viiddis politihkalaš ovttaoaivilvuohta ahte barggaheaddji oahpahusas lea rivttes geaidnu čuovvut vai sáhttá addit nuoraide gelbbolašvuođa mii lea váilevaš. Čoahkkanan Stuoradiggi dorjot vuoruheami barggaheaddji oahpahusas. Okta dain konkrehtalaš doaimmain maid Olgešbellodaga-Ovddádusbellodaga ráđđehus áigot čuovvut lea dan ahte nannet Nuorra Barggaheaddjit dehálaš arenain ovttasbargguin bargoeallimin.