Salangen-Nyheter

Jearaldat guovddášmánáidgárddis:

Ášši ain joatká

Magnar Åmo, jođiheaddji Siellaga Sosialisttalaš Gurutbellodagas, doarju oktasaš guovddašmánáidgárddi ovddas su bellodagain.

VUOTNASIIDA: Siellaga suohkanstivračoahkkinis mannan mánnodaga ii váldojuvvon loahpalaš mearrádus jearaldagas ásaheamis oktasaš guovddášmánáidgárddis.

Salangen-Nyheter
Nye Salangen-Nyheter AS

Publisert:

ANNONSE
Annonse

Guovddašbellodat ja Bargiidbellodat háliidedje ahte galgá jotkojuvvot guorahallat ásahit guovddášmánáidgárddi Vasshaug skuvla vistiide. Olgešbellodat ja Sosialisttalaš Gurutbellodat (SG) háliidit guovddašmánáidgárddi dáinna ákkain ahte de lea álkibut oaččut fágaolbmuid bárgui.

Ekonomiija unna oasaš

SG háliidit ásahit oktasaš guovddášmánáidgárddi  mii galgá gokčat suohkana dárbbu mánáidgárdesajiide ja ággan dása lea kvalitehta. – Ekonomiija lea dušše oassi das ahte manne mii háliidit oktasaš mánáidgárddi. Otne leat viessoláiggut suohkana mánáidgárddiin badjel 400.000 ruvnno ja dakkár loguin lea vejolaš hálddašit loana birrasii 4 millijovnna ruvnnos, muitala Magnar Åmo, jođiheaddji Siellaga Sosialisttalaš Gurutbellodagas.

Oktasaš mánáidgárdi

SG čoahkkinis ráhppui dan ovddas ahte Bádje Siellagis gal sáhttá leahkit guovlu mánáidgárdi, muhto maŋŋel čoahkkima leat eambbo gulaskuddan sin miellahtuin ja sii leat válljen ahte sii háliidit ovddidit oktasaš guovddašmánáidgárddi ovddas. – Fylkkamanni lea cuiggodan ahte Siellaga suohkanis leat unnán ovdaskuvlaoahpaheaddjit virggis mánáidgárddiin. Mii oaivvildit ahte jus lea dušše okta váldománáidgárdi de lea álkibut virgádit fágaolbmuid, lohka Åmo. Son maid muitala ahte Birgenláhki lávdegoddi lea leamaš guossis Furumoen mánáidgárddis Leaŋgáviika suohkanis ja min áirras dán lávdegottis lei hui positiiva dasa maid oinnii. Dán mánáidgárddis leat sullii 100 saji ja lea nu ahte ođđa guovddášmánáidgárdái lea dárbu. Maŋemuš sánit dán áššis gal eai leat vel dadjon, loahpaha son.