Salangen-Nyheter

Buohkat háliidedje vázzit:

Ášši čohkki

Lei somá vázzit viesuid mielde ja čoaggit ruđaid. Dan goit oaivvildedje Lisbeth Johnsen (g.b), Ann-May Johnsen, Øyvind Johnsen, Mia ja Inger Sofie Tofteng. GOVVA: JON HENRIK LARSEN

VUOTNASIIDA: Dán jagaš TV-ákšuvdnii  ii lean váttis oaččut olbmuid vázzit viesuid mielde ja čoaggit ruđaid ja ii lean váttis oaččut olbmuid addit ruđaid. – Mis leat leamaš olusat geat leat háliidan vázzit ja dainna lágiin doarjut ákšuvnna ja dat ii leat nu dábálaš, lohka ákšuvnnajođiheaddji ja varresátnejođiheaddji Siellagis Ronny Karslen.

Salangen-Nyheter
Nye Salangen-Nyheter AS

Publisert:

ANNONSE
Annonse

Ákšuvdna dán jagi lea áŋgiruššan olu olbmuid sihke Siellagis ja Loabágis. Olles 76.851 ruvnno lei boađus Siellagis maŋŋel lohkama ja ledje badjel 50 geat vázze viesuid mielde. – Mis leat leamaš 24 vázzit Siellaga Muittuhuvvonsearvvis geat leat leamaš mielde dán jagaš TV-ákšuvnna ovddas. Buohkat min miellahtuin geain lei vejolašvuohta leat leamaš mielde, lohka nubbinjođiheaddji Karin H. Zakariassen neahttaáviisii. Son maid muitala ahte 40 % dain ruđain mii addo dán jagaš ákšuvnnas galgá juhkkojuvvot Našunálasearvvi álbmotdearvvašvuođa baikkalaš serviide Norggas.

Gihta buohkaid

Sii geat lohke ruđaid ledje hui rámis bohtosiid badjel. – Mii leat boahtán 235.sadjai suohkaniin geat leat skeŋken ruđaid ákšuvdnii, lohka Karlsen. Maiddai suohkan lea addán guokte ruvnno juohke ássi ovddas. Karlsen háliida giitit sin geat leat leamaš mielde ákšuvnna ovddas. – Sii leat leamaš nu čeahpit ja sin haga eai livččii sáhttán skeŋket ná olu ruđaid ákšuvdnii, son deattuha.

Lei miellagiddevaš bargu sidjiide geat válde vuosttá givnniid olbmuin Vuotnasiiddas sotnabeaivve eahkeda. GOVVA: JON HENRIK LARSEN

.

Nuppi sajis

Loabágis lea maiddai leamaš stuora áŋgiruššan ja jođiheaddji lohkkit ovddas Kolbjørn Sjøseth lea duđavaš bohtosiin. – Šattai loahpalaš 35.382 ruvnno maid leat čohkken vázzin geat leat leamaš viesuid mielde, lohka son neahttaáviisii. Sii leat boahtán 50.sadjai suohkaniin geat leat skeŋken ruđaid ákšuvdnii ja nubbin Romssa fylkkas.

ANNONSE
Annonse