Salangen-Nyheter

Gunnar Sæbø suoidnemánu 22.beaivvi birra:

- Illu beroštumi ovddas

Lei ebmos ja gelbbolaš muittolat suoidnemánu 22.beaivvi dáhpáhusaide guovtti jagi beaivái. GOVVA: JON HENRIK LARSEN

VUOTNASIIDA: Lei earenoamáš gutnálaš ja jaskes muittolat suoidnemánu 22.beaivvi  2011 dáhpáhusaid birra Siellagis mannan mánnodaga, go suohkana ássit ledje čoahkkanan muittašit Simon Sæbø gii goddui Utøyas guovtti jagi áigi. – Lea illu munnje oaidnit ahte dii ain beroštehpet, logai Simon áhčči, Gunnar Sæbø.

Salangen-Nyheter
Nye Salangen-Nyheter AS

Publisert:

ANNONSE
Annonse

Ledje birrasiid 150 olbmo geat ledje boahtán Siellaga girku olggobeallai gos suoidnemánu 22.beaivvi dáhpáhusat guovtti jagi áigi galge muittohuvvot. Siellaga suohkana Simon Sæbø lei Utøyas dán beaivvi, muhto son ii boahtán šat ruoktot maŋŋel stuimmiid.

Ain beroštit

- Dan oaidnit ahte nu olusat Simona olbmáin leat dáppe otne addá munnje stuora ilu, go dát mearkkaša ahte dii ain buohkat beroštehket. Otne leat 131 beaivvi gollan dán rájes go suoidnemánu 22.beaivi 2011is dahpahuvai. Dát lea dat čáhppesebmos beaivi Norgga historjjás guhkes, guhkes áigái. Munnje, Toni ja Håvarii leat leamaš guhkes beaivvit ja jagit, ja maiddai lossa beaivvit. Dát mii lea buktán dorvu lea buot dat beroštus ja doarjja maid mii leat ožžon Siellagis ja báikkiin birra, Bargiidbellodagas ja maiddai sin nuoraidjoavkus. Dan háliidan min buohkaid ovddas duođaid giitit, logai Gunnar Sæbø olggobealde Siellaga girku muitobottu vuolde mánnodaga eahkeda. Tone Sæbø ja sátnejođiheaddji Ivar B. Prestbakmo bijaiga fárrolaga lieđit muitomearka lusa, fiinna loahpahussan muitoboddui olggobealde girku.

Muitomearka birra ja sisa maŋŋel suoidnemánu 22.beaivvi ledje biddjon lieđit muitun. GOVVA: JON HENRIK LARSEN

Loahpahuvvui girkus

Muitoboddu loahpahuvvui Siellaga girkus gos cahkkehedje gintaliid ja čuojahuvvui musihkka. Lei maiddai vejolaš čoahkkanit girkus ja muittašit dán beaivvi guokte jagi áigi. Go buot doalut ledje nohkan mánnodaga eahkeda ledje máŋga rukses lieđi biddjon muitomearka sisa ja birra, čájehandihti ahte Siellaga servvodat ii boađe goassege vajáldahttit mii dahpahuvvui dán beaivvi guokte jagi áigi.