Salangen-Nyheter

Teater Evenášis:

Islándda “Almmiriika”

Heaika, Issát ja Rágge leat golbma mánnávuođa olbmážagat geat fas deaivvadit meahccebarttas. GOVVA: BEAIVVÁŠ/ALMMIRIIKA/MIENNA

EVENÁŠŠI: Mannan disdaga lei Beaivváš Sámi Teater guossis Skánit suohkanis čájehandihti iežas maŋemuš bihttá Almmiriika mii govvida earenoamáš vahkkoloahppa.

Salangen-Nyheter
Nye Salangen-Nyheter AS

Publisert:

Annonse

Islándda “Almmiriika” komediija sáhttá gohčodit teáhterstoagusin, go dramatihkar hástala gehččiid roahkkadis ja heammástuhtti dáhpáhusaiguin, seammás go oaidnit oahpes olbmuid ja bárttiid. Heaika, Issát ja Rágge leat golbma mánnávuođa olbmážagat geat fas deaivvadit meahccebarttas ávdin meahcis Finnmárku-duoddaris máŋga jagi maŋŋel. Sis leat buohkain moarsit mielde ja šaddá earenoamáš vahkkoloahppa.

Olu reašká

Várdobáiki Sámi Guovddaža jođiheaddji Kjersti Myrnes Balto lei maid geahččame bihttá. – Lei buorre mokta gehččiid gaskkas, ja orui nu ahte sii lokte bures ja ahte sis lei somá. Olbmot bállet dávjá ahte eai boađe ipmirdit mii dadjo, muhto lei sihke sámegiel, dárogiel ja eŋgelasgiella mii geavahuvvui neavttárin. Lei olu reašká gehččiid gaskkas ja ledje sullii 25 olbmo geat ledje boahtán geahččat bihttá, muitala Kjersti Siellaga-Ođđasiidda. Árni Ibsen gii lea čállán bihttá gulai dálá áiggi Islándda árjjalaš- ja eanemusat čájehuvvon dramatihkariid searvái. Su teáhterbihtát leat jorgaluvvon ja čájehuvvon máŋggaid gillii miehtá máilmmi.