Oassin konseartas lei luohti maid Antonsen juoiggai muhto dát ii váldon bures vuosttá searvegodderáđis. – Mun ledjen konseartas ja sihke hirpmástuvvon ja behttohallen, lohkka jođiheaddji searvegodderáđis Guovdageainnus, Inga Gunhild Buljo Kemi NRKi. Boađusin dán dagus šaddá ahte boahtá šaddat váddásit luoikkahit girku dakkár konsearttaide. – Mii eat suova juoigat girkus. Dat ii leat lunddolaš oassi risttalaš eallimis, nu movt mii oaidnit dan, lohka Kemi ja čujuha searvegodderáđi njuolggadusaide go luoikkahit girku eará doaimmaide. Das boahtá ovdan ahte juoigan ii leat dohkálaš searvegodderáđi girkuin.

Ii luohti

Ole Edvard Antonsen mielas lea váivi ahte searvegodderáđđi reagere dainna lágiin. – Konseartas lea namma “Musikalse landskap” ja čilge mu musikálalaš vásáhusaid iešguđet kultuvrrain. Bihttá masa reagerejit ii leat luohti muhto mun geahččalan govvidit dajahusa mii mu mielas lea fiinnis. Dát lea jurddašuvvon leahkit rápmin sámi kultuvrii, Finnmárkku duoddarii ja Finnmárkui, lohka son.