Salangen-Nyheter

Girjerádjobálvalus menestuvvan:

Lassanan 70%

Girjerádjos- ja kulturbusses davvi-Romssas lea oassi Sámi girjerádjosbálvalusas. GOVVA: GÁIVUONA SUOHKAN

ROMSSA: Neahttasiidu Sámi girjerádjobálvalus lea oassin dan bárggus maid Romssa fylkkasuohkan dáhkka lasihit máhtu sámi girjjálašvuođas ja kultuvras Romssa fylkkas.

Salangen-Nyheter
Nye Salangen-Nyheter AS

Publisert:

Annonse
Annonse

Sámi girjerádjobálvalus Romssa fylkkas lea ráđđeaddi girjerádjobálvalus sámegiel materiálas álggahuvvon Romssa fylkkagirjerádjosis geat barget dán ovddas ahte sámegiella galgá leahkit eambbo oidnosis girjerádjosiin Romssas. Oassi dán čoakkáldagas gávdno Girjerádjos- ja kulturbusses davvi-Romssas. Lea vejolaš girjerádjosiin, skuvllain ja mánáidgárddiin diŋgot ja luoikkahit girjjiid ja dávviriid. Sáddejuvvojit maid ođasreivvet diŋgojeddjiide mas leat dieđut ođđa girjin ja nu ain.

Stuora lassaneapmi

Geavaheapmi dán bálvalusas lea lassanan 70 proseantan ođđajagemánus 2012is gitta dán jágii ođđajagemánnui. Dát logut čájehit ahte lea dárbu diehtojuohkimii ođđa girjjálašvuođas, musihkas ja filmmain sápmelaččaid ja sampelaččaid dilálašvuođa birra. Leat girjerádjosat Romssa fylkkasuohkanis geat leat ulbmiljoavkkut, muhto čájehuvvo ahte girjerádjosat miehta Norgga geavahit fálaldaga, ja maiddai Ruoŧa ja Suoma girjerádjosat. Nie čalla Romssa fylkkasuohkan preassadieđahusas.