Salangen-Nyheter

Sávvet vistti dievva:

- Mii illudit!

Blått & Rått álmmuhit ođđa skearru Siellaga kulturviesus 13.beaivvi čakčamánus. GOVVA: VERONICA KLAUSSEN

VUOTNASIIDA: Blått & Rått illudit iežas ođđa skearru “Stifinner”  ovddas masa leat eanemus áiggi ja ruđaid geavahan olles joavkku eallináiggis. Dát ávvuduvvo Siellaga kulturviesus 13.beaivve čakčamánus.

Salangen-Nyheter
Nye Salangen-Nyheter AS

Publisert:

ANNONSE
Annonse

Blått & Rått leat dál áito álmmuhan iežas ođđa skearru “Stifinner”. – Ieš álddis release skearrus galgá dahpahuvvot kulturviesus dáppe Vuotnasiiddas. Dát lea dan dihti go olu lávlagiin mat leat skearrus leat báddejuvvon live lávdde alde kulturviesus, muitala čuojaheaddji Ronald Alertsen.

Vuosttáš geardde

Ii leat goasse ovdal dahpahuvvon ahte skearru lea vuosttaš geardde ovdanbuktojuvvon lávddis Siellagis. – Šaddá stuora konsearta. Mis lea earet eará dievdokoara mii galgá leahkit min mielde lávddis. Mii issorasat illudit čuojahit ja doallat konsearta, joatká Alertsen rámiin.

Konsearta

Lea čielggas ahte dát boahtá šaddat oalle earenoamáš eahket sidjiide geat bohtet konsertii ja doaluide. – Šaddá konsearta guovtti oasis. Vuosttaš oasis mii čuojahit daid 13 lávlagiid mat leat dan ođđa skearrus. De lea unna bottoš. Nuppi oasis mii áigut čuojahit min buoremus ja eanemus dovddus lávlagiid, muitala čuojaheaddji joavkkus. Son maid muitala ahte dan báles go sii čuojahit de boahtá čájehuvvot filbma sin duogábealde stuora šearbmas. – Mii savvát buohkaid bures boahtin kulturvissui 13.beaivvi čakčamánus. Uvssat rahpet diibmu 21.00, muhto mii álgit čuojahit diibmu 22.00. Boađat go easka diibmu 24.00 de gal leat beare maŋŋit, son loahpaha reaškán.

ANNONSE
Annonse