Salangen-Nyheter

Leat oahppan olu sierra kurssas:

- Mis leat rievttit!

Joy Ambrose Nigerias eret ja Rose H A Mohamed Somalias eret leaba ilus go beasaiga oassálastit olmmošvuoigatvuođa kurssas. GOVVA: WENCHE KANSTAD

VUOTNASIIDA: Golbma vuosttaš beaivvi dán vahkkus lea leamaš kursa Vuotnasiiddas olmmošvuoigatvuođaid birra nuorra nissoniidda geat leat báhtaran iežaset riikkain.

Salangen-Nyheter
Nye Salangen-Nyheter AS

Publisert:

ANNONSE
Annonse

Lea leamaš earenoamáš fokus rivttiid skuvlavázzimii, go galggat válljet barggu  ja maiddai geainna náitalat. Go neahttaáviisa fitne kursas de beasaimet humadit guovtti nissoniin geat leaba oassalastan kursas ja soai leigga hui duhtavačča.

Rose Hami Abullahi Mohamed Somalias eret oassalastti kurssas. GOVVA: WENCHE KANSTAD 

Boahtteáigi

Rose Hami Adullahi Mohamed bođi (23) Somalias golbma mánu áigge. – Dál mun dieđan ahte mis leat rievttit ja ahte mun maid lean veara ja dehálaš. Go šaddá ráfi mu ruovtturiikas de saván ahte beasan vuolgit fas ruoktot ja de áiggun geavahit áiggi juohkit dan máhtu maid daid beivviin lean gazzan. Áiggun muitalit buohkaide doppe ahte mis maid leat rievttit, loahpa son áŋgirit.

Joy Ambrose Nigerias eret muitalii iežas vásáhusa kurssas. GOVVA: WENCHE KANSTAD

Ruoktot

Nubbi gean deaivvaimet lei Joy Ambrose. Son bođii Norgii vihtta jagi áigi ja nu movt Rose de son bođi akto. – Mus leat rievttit nissonin, dan lean oahppan dáppe, lohka son mojiin. – Mun sáhtán leahkit mielde rievdadeamis, dan dieđan dál, muitala son. Son maid muitala ahte son ovdal lea dovdan iežas geahnoheapme ja ahte dát dovdu dál lea jávkan go son lea ožžon dieđuid iežas rivttiid birra olmmožin. – Dat stuorimus earuhus munnje dáppe Norggas ferte leahkit movt boađan jápmit. Dáppe mun sáhtán jápmit lunddolaččat go lean boaris, muhto ges Nigerias boađan goddot. Dáppe Norggas leat buohkat mihá eambbo oassalastii ja ráhpasat go ruovttus, loahpaha Joy Ambrose.