Salangen-Nyheter

Divohagat gergosat lonuhit deahkaid:

Muohta dieđihuvvon

Fjeldstad Dekk lea gárvvis lonuhit dálvedeahkaide. GOVVA: CAMILLA FINVIK

VUOTNASIIDA: Dálkedieđut dieđihit ahte dán vahkkoloahpa galgá boahtit muohta Vuotnasiidii. Rivttes deahkat biilii lea aŋkke du iežas ovttasvástádus vaikko leat njuolggadusat maid ferte čuovvut. Harald-Rune Fjeldstad (govva) lea gearggus lonuhit deahkaid biillain.

Salangen-Nyheter
Nye Salangen-Nyheter AS

Publisert:

Jus áiggut geavahit dálvedeahkaid mas eai leat biikat de eai leat njuolggadusat goas daid galggat biddját biilii. Dáppe Davvi-Norggas lea nu ahte jus áiggut biddját deahkaid mas leat biikat de fertet vuordit 15.beaivai golggotmánus. Muhto jus dálki ja siivu gáibida ahte fertet bijahit deahkaid ovdal dán beaivvi de dagat dan. Leat leamaš veaháš buollašat ijain mat leat leamašan ja leat biilaeaiggádat geat leat jo lonuhan deahkaid.

Listtut dievva

Beaivválaš jođiheaddji Fjeldstad Dekkas, Harald Rune Fjeldstad muitala ahte sus lea leamaš olu bárgu maŋemuš áiggi, ja lea earenoamážit okta joavku geat háliidit lonuhit deahkaid ovdal áiggi. – Sii geat dán dahket leat sii geat galget bivdit, sii geat galget várrái. Sii lonuhit deahkaid árrat. Fjeldstad maid doaimmaha nu gohčoduvvon deahkkahotealla ja dát mearkkaša ahte son vurke deahkaid kundariid ovddas. – Mus leat jo leamašan olu biillat dáppe lonuheamen deahkaid, ja mun ávččuhan olbmuid diŋgot diimmu deahkkalonuhallamii jođánit. Mis lea oalle dievva dán vahkku, ja boahtte vahkku, muhto veaháš guoros saddji mis gal lea, loahpaha son.