Salangen-Nyheter

Kulturmuitobeaivvit 2013:

Musea guovddažis

Eliseus Rønhaug čájeha rámiin prográmma Kulturmuitobeaivvi ovddas. GOVVA: VERONICA KLAUSSEN

VUOTNASIIDA: Kulturmuitobeaivvit 2013 čalmmustuvvojit 8.-15.beaivai čakčamánus miehta riika. Fádda 2013 ovddas lea “Historjá nissonat ja dievddut Oassálastin, oktavuohta ja doaibma”.

Salangen-Nyheter
Nye Salangen-Nyheter AS

Publisert:

ANNONSE
Annonse

Kulturmuitobeaivvit (European Heritage Days) lágiduvvot juohke jagi miehta Europa. Kulturmuittut ja kulturárbi čájehuvvo máŋga miljon olbmuide birrasii 50 riikkain daid beivviin čakčamánus. Norggas dát beaivvit čalmmustahttojuvvojit čuohtenár doaimmain miehta riika. Dát beaivvit leat mielde ráhkadeamen berošteami ja ipmárdusa min kulturárbbis baikkalaš, našunála ja eurohpalaš dásis.

Guossit

Maiddai Siellagis galget dát beaivvit čalmmustuvvot. Jođiheaddji Siellaga Historjásearvvi ovddas Eliseus Rønhaug sáhttá muitalit ahte sis leat stuora plánat. – Mis lea leamaš nu lihkku ahte oaččut guokte nissoniid guossái ovddastit čálli Margaret Gruve gii lea Skánin eret, ja maiddai lektor Elisabeth Sanne gii lea Siellagis eret, muitala son. Doalut lágiduvvot sotnabeaivvi 8.beaivve čakčamánus regionmuseas Vuotnasiiddas. – Midjiide maid bohtet guossin guokte báikkálaš nissonat, Kristine Lind Grøttland ja Anna Cruickshank, muitala Rønhaug viidásit.

Ovttasbargu

Kulturmuitobeaivvi lea ovttasbargu prošeakta gaskal Siellaga Historjásearvvi, Siellaga suohkana, Matta-Romssa Musea ja girjerádjosat Ástavuonas. – Šaddá hui álkes guossoheapmi bottus gaskkal logaldallamiid ja lea diehttelas nuvttá oassálastit doaluin, loahpaha Eliseus Rønhaug neahttaáviisii.

Dá lea prográmma Kulturmuitobeaivvi ovddas Vuotnasiiddas:

ANNONSE
Annonse