Lea jagi áigi dan rájes go searvegodderáđđi meannudii gaskkaboddosaš plána mii gokčá ođđa málle ipmilbálvalusain, muhto dalle váilui liturgiijalaš musihkka. Dál galgá loahpalaš plána mas liturgiijalaš musihkka maid lea gokčojuvvon dohkkehuvvot, ovdanbuktojuvvot ja digaštallojuvvot dán jagaš searvegoddečoahkkimis. – Ipmilbálvaluslávdegoddi leat bargan dárkilis barggu ja leat dál gergosat ovdanbuktit sin barggu, ja dát dahpahuvvo ihttin gaskavahkku, muitala suohkanbáhppa Kim Astrup Siellaga-Ođđasiidda.

Guldalit buohkaid

Liturgiijalaš musihkka lea dehálaš oassi ipmilbálvalusas, ja ulbmil searvegoddečoahkkimis lea ahte buohkat galget beassat leahkit mielde mearrideamen makkár rievdadusat galget dáhkot ja eai. – Jus leat sáhkkii dan ođđa liturgiijalaš musihkkii, jus leat sávaldagat dahje oaivilat de boađe čoahkkimii. Diibmu 19.00 mii álggahit čoahkkima ipmilbálvalusain čájehandihti maid searvegodderáđi evttohus mielddisbuktá. Dán maŋŋel lágiduvvo ieš álddis čoahkkin, muitala suohkanbáhppa loahpalaččat.