Salangen-Nyheter

GIWC konferánsa New Yorkas:

Nissonat guovddažis

NEW YORK: Konferánsa eamiálbmot nissoniidda álgi gaskavahkku 27.beaivve njukčamánus ja loahpahuvvo bearjadaga 29.beaivve. Eamiálbmot nissonat miehta máilmmis leat čoahkkanan ráhkadandihti oktasaš dieđáhusa.

Salangen-Nyheter
Nye Salangen-Nyheter AS

Publisert:

Annonse

Lea Global Indigenous Women Caucus (GIWaC) geat lágidit 3-beaivvasaš konferánsa New Yorkas gos eamiálbmoga nissonat leat guovddažis. Ulbmil konferánsan lea čohkket nissoniid daid 7 iešguđetlágan eamiálbmoga joavkkuin máilmmis ráhkadandihti oktasaš dieđáhusa mii de gálga ovdanbuktojuvvot dan internašunála eamiálbmoga konferánsas Álttás maŋŋelaš dán jagi. Dát 7 eamiálbmot joavku, joavku eamiálbmoga nissoniid ovddas ja joavku eamiálbmoga nuoraide galget čoahkkanit Álttás geassemánus dán jagi ja ovttas rahkadit čállosa masa buohkat leat ovttaoaivilis ja maid dorjot. Dát čálus čohkke máilmmi eamiálbmogiid ja rahkada oktasaš geainnu FN máilmmikonferánsii eamiálbmogiid birra mii lágiduvvo 2014.

Ođđa dieđáhus

FN máilmmi konferánsa eamiálbmogiidda boahtá leahkit arena gos ulbmil lea ollašuhttit eamiálbmogiid vuoigatvuođaid eambbo go dan maid otne dahkko, ja maiddai buoridit čađaheami eamiálbmogiid vuoigatvuođain. Dat gávdno jo okta dieđáhus eamiálbmogiidda, muhto lea sávaldat nannet dán dieđáhusa vai addá stuoribut vuordámušaid daid miellahttoriikade geat vallejit vuolláičállit dán. Otne eai leat makkárge váikkuhusat daid riikade geat eai čuovo eamitálbmoga dieđáhusa mii otne lea ánus.

Čuddjot čoahkis

Lea stuora fokus čohkket eamiálbmogiid, ja oaččut sin doarjut oktasaš čállosa mii gálga ovdanbuktit sin áššit FN máilmmi konferánsas eamiálbmogii. Dát lea dán dihte go dán konferánsas ii boađe leahkit vejolaš buohkaide ovdanbuktit iežaset áššit, ja de lea stuoribuš jietna sis go ovdagihtii lea čoahkkanan ja šaddan ovttaoaivilis makkár áššit ja vuoigatvuođat galget leahkit guovddažis.

Čuvvot mielde

Siellaga-Ođđasat leat New Yorkas gokčame konferánsa, ja bohtet almmuhit áššit sihke webTV bokte ja čálalaš áššit mas govat min sámegielat ođassiidduide Salangen-Nyheter neahttasiiddus. Dasa lassin leat Siellaga-Ođđasat ožžon jearaldaga eará sámegielat mediain rahkadit reportášaid sihke TV ja aviisade konferánsas.