Salangen-Nyheter

Nuorra sámi politihkar:

Nubbin NSR-listtus

Nuorra sámi politihkar Viktor Inge Paulsen ávžžuha nuoraid čálihit iežaset Sámedikki jienastuslohkui ovdal 1.beaivve suoidnemánus.

DIVTTASVUOTNA: Viktor Inge Paulsen lea Dragas eret ja son lea dušše 20-jági boaris. Son lea válljejuvvon nubbin Norgga Sámiid Riikkasearvi listui Sámedikki válgái Viesttarmeara válgabiires, maŋŋel Ann-Mari Thomassen.

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

Vaikko Paulsen lea nuorra bárdni de son lea guhkitáiggi áŋgiruššan politihkas. Son lea leamaš mielde nuoraid fylkkadikkis Nordlánddas 2010-2012, ja son lea maid nubbin jođiheaddji Sálto sámesiebrres, mii lea okta NSR baikkalaš servviin. – Mun geahččalan áŋgiruššat politihkas, ja maŋŋel go álgen sámi politihkain de lea álkibut ja dovdo eambbo lunddolažžan, lohka Paulsen neahttaaviisii.

Giella guovddažis

Paulsen lea stivrajođiheaddji DoaimmaSiebrre Julev-sábmes (DSJ), ja son lea maiddai prošeaktakoordináhtor Julevsáme Vahkko ovddas. Dát vahkku lea julevsámegielat kultur- ja giellavahkku mas leat doaimmat ja kursat gos julevsámi árbevierut leat guovddažis. –Munnje lea dehálaš ovddidit dan sámi kultuvra Divttasvuonas. Mis fertejit eambbo sámi dáhpáhusat Divttasvuonas ja dán dihte mun barggan Julevsáme Vahkkuin, lohka Paulsen.

Nuoraid áššit

Son oaivvilda ahte áššit mat áŋgiruššet nuoraid politihkalašbeliid leat ealáhusáššit, oahpahus ja kultuvra. – Mun áiggun bargat maid sáhtán vai áŋgiruššat eambbo nuoraid beroštit politihkas, lohka Paulsen. Sutnje lea giella ja kultuvra hui dehálaš ja sávvá ahte son ieš sáhttá leahkit buorre ovdagovvan eará sámi nuoraide. Son ávžžuha nuoraid čálihit iežaset Sámedikki jienastuslohkui ovdal 1.beaivve suoidnemánus ja maiddai jienastit.