Salangen-Nyheter

Earenoamáš konsearta:

Ođđa Bassi Ája

Inga Juuso, Anneli Drecker ja Frode Fjellheim ráhkadedje liekkus ja magihkalaš konsearta Siellaga girkus. GOVVA: JON HENRIK LARSEN

VUOTNASIIDA: Mannan bearjadaga lei áigi earenoamáš ja earalágan konsertii Siellaga girkus, vaikko vel maŋŋonii diimmu. Lei liegga ja magihkalaš miellaláhki girkus dán eahkeda go luohti ja sálmmat devde girkolanja.

Salangen-Nyheter
Nye Salangen-Nyheter AS

Publisert:

Annonse

Ledje badjel 60 olbmo geat ledje gávdnan luotta girkus bearjadaga eahkeda gullan dihte Frode Fjellheima meassu “Aejlies gaaltije” ođđa hámis nama Bassi Ája vuolde. Konsearta lei earalágan konsearta ja vuosttaš dakkár hámis mii ovdanbuktojuvvui Siellaga girkus. - Dát konsearta lea bidjon oktii bihtáin meassuin árbevirolaš risttalaš liturgiijas ja maid agalaš teavsttain boarráset sámi mytologiijas, muitala Frode Fjellheim neahttaavis. Son maid muitala ahte lea miellagiddevaš beassat ovdanbuktit bihttá ođđa hámis ja maiddai nu čeahpes musihkarin, ja dieđusge Inga Juusoin ja Anneli Dreckerin.

Fiinna girkolatnja

Go konsearta lei nohkkan Siellaga Ođđasat besse humadit veaháš sudnuin geas lei ovddasvástádus ovdanbuktit vokála konsearta vuolde, Ingá Juuso ja Anneli Drecker. – Lei hui buorre boahtit deike ja olbmot ledje boahtán guldalit min. Váldojuvvuimet hui bures vuosttá, logai Juuso. Son logai maid ahte su mielas lea hui somá dát seaguhus davvisámegielain ja lullisámegielain, ja maiddai dan ahte seaguhit sálmmaid, jieŋaid ja luođit. Anneli Drecker lei hui duhtavaš girkuin ja dan fiinna girkolanjas. – Lei hui buorre jietna girkus ja nu allat dahke vuolde, logai hirpmástuvvon Drecker maŋŋel konsearta. Son maid muitalii neahttaaviisii ahte son lea álo lihkon nu bures etnalaš musihkkii nu ahte ii lean váttis vuolgit mielde dán produkšuvdnii go oaččui jearaldaga.

Duhtavaš guldaleaddjit

Sii geat ledje boahtán guldalit konsearta ledje hui duhtavačča ja lohke ahte lei earalágan konsearta, muhto ahte heive bures dakkár konsearta lágidit girkus. Báhppa Kim Astrup lei veaháš váiban maŋŋel go konsearta lei nohkkan, muhto hui duhtavaš. – Lei nu fiinna konsearta ja gatnjalat gal golggiidedje go sii čuojahedje, bosihii Astrup duhtavaš. Luohti mii maid lei oassin dán konseartas lea oaivvilduvvon ahte ii heive girkui, muhto Astrup mielas lea luohti olbmuid málle cealkit ja málle movt muitalit muitalusaid.