Salangen-Nyheter

Šaddet rievdadeamit Siellagis:

Ođđa girkogárdi

Girkogárdi lea mihá eambbo oidnosis dál go muorat Idrettsveien guoras leat váldon eret. GOVVA: WENCHE KANSTAD

VUOTNASIIDA: Siellaga suohkanis leat dál ráhkadeamen ođđa oasi go dát mii dan rádjai lea geavahuvvon lea fargga dievva.

Salangen-Nyheter
Nye Salangen-Nyheter AS

Publisert:

ANNONSE
Annonse

Nu movt dál lea olggosoaidnit de orro hui álás ja galmmas. – Mii leat váldán varas golbma muorain mat leat dan sajis gos ođđa girkogárdi šaddá, muitala Nils Arne Sjøseth, gii lea girkogárddibargi. Leat olbmot geat leat dávistan go lea nu rabas gaskkal biilaluotta ja girkogárddi. – Dat ii galgá leahkit nu, muitala Nils Arne.

Bálgat

Son muitala ahte boahtte jahkái sii áigot biddját bájas ođđa áiddi mii lea seammalágan go dat mii lea jo das ovdalaččas. Dasa lassin sii áigot gilvit muoraid ja rissiid nu ahte olles sadji lea veaháš suodji luottas. Sii maid áigot rahkadit guokte vázzinbálgáid mat mannet Idrettsveienis ja sisa girkogárdái, sierra orustansajiin. Dáinna lágiin sii savvet ahte sii nagodit unnidit vuodjima ieš alddis girkogárddis.

Olggobealde áiddi lea biddjon bajás ávžžuhus gussiide ahte eai galgá vuoddjit dárbbašmeahttun girkogárddis. Dál sii sávvet ahte leat gávdnan čovdosa dása. GOVVA: WENCHE KANSTAD 

Skeaŋkat

– Mii livččiimet dárbbašan oastit sisa ođđa dávviriid nu movt beaŋkkaid, čáhccen rusttegiid ja nu ain. Livččiimet hui giitevaš jus leat muhtimat geat háliidit skeŋket midjiide ruđaid. Jus háliidat dan dahkat de sáhtát bidjat sisa min kontui 4776 10 64270 ja merke "Skeaŋka", lohka Nils Arne.

Eará čoavddus

Son maid muitala ahte šaddet sullii 250 ođđa saji dan girkogárdái maid dál lea ráhkadeamen. – Mis leat gaskkal 25 ja 30 hávdádeamit jáhkkái, muitala Nils Arne. Jus de rehkenastá veaháš de sáhttá leahkit ahte ođđa girkogárdi bistá birrasiid 9 jagi ovddasguvlui. Maŋŋel dan ferte suohkan fas gávdnat ođđa čovdosa dasa.

ANNONSE
Annonse