Salangen-Nyheter

Ođđa girkoverdde sajis

VUOTNASIIDA: Elisabeth Alstadhaug lea virgáiduvvon ođđa girkoverddiin Siellagis. Son váldá badjelasas virggi maŋŋel Tonje Østvika ja gálga jođihit beaivválaš doaimmaid girkus. Ruhtadoallu ja bargit leat maid su ovddasvástádusat, oktan fuolademiin girkovisttis ja girkogárddiin.

Salangen-Nyheter
Nye Salangen-Nyheter AS

Publisert:

ANNONSE
Annonse

Alstadhaug doaivu ahte bargu girkoverdden buktá máŋga miellagiddevaš doaimmaid ja maiddai hástalusaid. Son oaivvilda ahte lea fiinnis sáhttit bargat nu dehálaš ásahusa ovddas go girku lea iešguđetlágan suohkanin. – Eanaš oassi mis geavaha girku ja bálvalusaid maid dat fállá jurddatkeahttá. Dehálaš rituálat nu movt gásta, konfirmašuvdna ja vihaheapmi dahpahuvvot ge justte dáppe. Girku lea dainnalágiin máŋgasiidda bistevaš deaivvadanbáiki ja maiddai oktavuohta maid ii šat gávnna nu álkit min ođđaáigásaš servvodagas, lohkka son neahttaaviisii.

2013 buktá miellagiddevaš prošeavttaid girkui. Dáhkki gálga divvojuvvot ja girkogárddit galget viiddiduvvot. Seammás áigot geahččalit oaččut albma buori buhtisteami girkovisttis. Go girkus ii leat nu buorre ruhtadilli de ii leat álo ahte sáhttet divvot buot mii dárbbašuvvo divvojuvvot. Jus lea oktage gii háliida dán ruđalaččat doarjut de váldde oktavuođa girkuin.

ANNONSE
Annonse