Salangen-Nyheter

Viimmat sajis:

Ođđa jođiheaddji

Polar Zoo leat ožžon ođđa beaivválaš jođiheaddji ja su namma lea Heinz Strathmann.

BEARDU: Polar Zoo AS leat virgádan ođđa beaivválaš jođiheaddji dieđiha stivrajođiheaddji Polar Zooas, Børre Berglund. Heinz Strathmann lea 58 jagi boaris ja lea riegádan Grevenbroichas Duiskas muhto lea orron Norggas 1974 rájes.

Salangen-Nyheter
Nye Salangen-Nyheter AS

Publisert:

ANNONSE
Annonse

Son lea máŋga jagi bargán mátkeeallimin ja lea eaiggádan ja jođihan fitnodaga Pan Norway AS. Son lea maid jođihan sihke hotealla, penšunáhta ja mátkedoaimmahaga. - Mii leat hui duhtavaš virgádemiin ja ahte leat ožžon Heinz Strathmann bárgui, geas lea olu bargovásáhus min suorggis ja iešguđetlágan fitnodagain Norggas, lohka Berglund.

Ovdánahttit párka

- Polar Zoo lea fitnodat mii galgá bargat ovdánahttit ja ođasmáhttit iežas ja Heinz lea hui heivvolaš dán bargui ja daid hástalusaide mat mis bohtet leahkit dain lagamus jagiid, joatká Berglund. Son maid muitala ahte Polar Zoo bargá olles áiggi buoridemiin doaimmahusas seammás go sis leat máŋga ovdánahttin prošeavtta mat galget nannet sin fitnodaga. - Váldofokus mus lea ovdánahttit párka ovttas bargiin ja stivrrain, vásáhus párkan gos luondu, eallit ja gaskkusteapmi leat guovddažis, lohka Heinz Strathmann. Son maid lohka ahte son illuda álgit bárgui ja son álgá 1.beaivve geassemánus iežas ođđa virgái.

Nie čállá Harstad Tidende.