1.beaivve miessemánus bidjui ođđa láhka johtui geavaheamis mobiltelefuvnna vuojedettiin biillain.

- Dát lahka lea leamaš jo guhka, muhto dál lea boahtán ođđa oassi dasa mii deattuha ahte ii leat lohppii geavahit mobiltelefuvnna go leat vuodjime, lohka Roald Berntsen, vuosttaš politiijabálvá Siellaga leansmánnikantuvras.

Sierra rusttegat

Jus galgat geavahit mobiltelefuvnna go leat vuoddjiime biillain ja áiggut lobálaččat geavahit dán de fertet rusttegiid mat leat heivehuvvon dasa, nu gohčoduvvon handsfree dahje bluetooth rusttegat.

- Jus geavahat dakkár rusttegiid de leat lága siskkobealde ja dát leat dohkkehuvvon, lohka Berntsen. Son maid muitala ahte sii bohtet váldit atnui giikaniid go sii galget dárkkistit geavaheamis mobiltelefuvnnas vuojedettiin, sihke UP ja dábálaš politiijat.

Ášši álggahuvvo

Jus it dohkket sahku ja oaivvildat ahte don it leat geavahan mobiltelefuvnna vuojedettiin ja politiija oaivvilda ahte don leat geavahan mobiltelefuvnna de álggahuvvo ášši mii viidásit dárkkistuvvo. – Jus it dohkket sahku de álggahuvvo ášši dutkat movt duođai lei go váldojuvvot ja de sáhttá ahte mii dutkat ieš álddis mobiltelefuvnna. De mii oaččut veahki telefuvdnafitnodagain geain leat dieđut goas ja movt telefuvdna lea geavahuvvon dan áigodagas mas lea sáhka, muitala Berntsen. Leat leamaš olu fasttes lihkuhisvuođat dakkár geavaheami dihti ja jurdda lea ahte dát deattuheapmi lagas sáhttá veahkehit unnidit daid.