Salangen-Nyheter

Dán jagáš Salangstrimmen:

Ođđa oassálastirekorda

Nuorra čuoigit Eline Bjørnsund ja Martine Håkstad leiba duhtavačča go leiba geargan čuoigamis. GOVVA: JON HENRIK LARSEN

VUOTNASIIDA: Dán jagáš Salangstrimmenis bidjui ođđa oassálastirekorda. Dán jagi ledje olles 373 olbmo geat oassálaste ja geat čuige Seljeskogenis gitta Øvre Salangenii.

Salangen-Nyheter
Nye Salangen-Nyheter AS

Publisert:

ANNONSE
Annonse

Lei 34.háve ahte lágiduvvui ja dán jagi lei lágideaddjin lihkku dálkin. Go čuoigamat ledje nohkkan lei Eivind Krane Heimdal Bardu ILas gii vuittii dievdduid luohkká go lei čuoigan láhttu 1:00:59. Su maŋŋel bođiba Toralf Heimdal ja Markus Svendsen, goappašagat Beardu suohkanis. Nissoniid luohkkás lei Hilde Espenes Senja Ski joavkkus gii bođii vuosttažiin áiggiin 1:13:14.

Herskot čuigiide

Leat olusat geat oassálastet juohke jágii Salangstrimmenis ja okta dain lea Jørgen Sundnes. Son lea čuoigan ja leamaš mielde 21.háve ja lea lihka lášmat juohke jágii. Lei nuppes ahte ledje rahkadan mállebeavddi Steinelvlund Campingas Bekkebotnis. Doppe lei sihke sáfta ja liegga málli mii guossohuvvui čuigiide.

ANNONSE
Annonse