- Lea maŋemuš háve ahte dát bálká 5.000 ruvnnos juhkkojuvvo Coop Nord bealis, lohka Eliseus Rønhaug neahttaaviisii. Siellaga skuvlakorpsa maid oaččui dán bálká 2011is. – Skuvlakorpsa bargá hirbmat buori barggu Siellaga servvodagas iežas doaimmaiguin, ja sii dárbbašit háhkat ođđa miellahtuid, lohka Rønhaug. Son lei earenoamáš čeavlái juohkit dán bálká dán jágii go lea maŋemuš háve go juhkkojuvvo. – Lea diehttelas hui earenoamáš juohkit bálká maŋemuš geardde, muhto de lea ge hui somá ahte bálká manai Siellagii ja doaibmái dáppe, lohka son.

Bovde searvat

Jođiheaddji Siellaga skuvlakorpsas Hege Larssen lei vuostáiváldime bálkkašumi. – Dát lei hirbmat válbin midjiide, muhto maid hui somá. Dát ruđat bohtet buorrin min doaimmaide ja maid dasa ahte háhkat ođđa miellahtuid. Dál mii leat dušše 15 korpsas, oktan láidesteaddjin, lohka Larssen. Son sávvá ahte eambbosat háliidit searvat korpsii ovddasguvlui.