Salangen-Nyheter

Ođđasat dari gilli:

Ožžot 150.000,-

Ođaslohkki dari ođđasiin, Ramin Heidari mielas lea hui positiiva ahte leat ožžon doarjaga prošektii. GOVVA: INGER-ANDREA ØSTBY

VUOTNASIIDA: Salangen-Nyheter ja Jon Henrik Larsen ožžot 150.000 ruvnno doarjagiin Romssa fylkkasuohkanis vai sáhttet joatkit ođđasiin dari gilli. – Dát lea hui positiiva go lea dehálaš prošeakta, lohka ođaslohki Ramin Heidari.

Salangen-Nyheter
Nye Salangen-Nyheter AS

Publisert:

ANNONSE
Annonse

Measta ovtta olles jagi leat Salangen-Nyheter almmuhan ođđasiid dari gilli Web-TV bokte. Disdaga sii ožžo dieđu ahte sii ožžot 150.000 ruvnno fylkkasuohkanis. – Dát mearkkaša hui olu neahttaáviisii. Mii oaččut vel ovtta prošeavtta doaibmat ja doaimmahit, lohka doaimmaheaddji Jon Henrik Larsen.

Internašunálan

Leat olusat geat gehččet ođđasit dari gilli. – Mus leat máŋga olbmá sihke Svolværas, Romssas ja Iranas geat lávejit geahččat sáddaga, lohka Ramin. Son lea ođaslohkki dari ođđasiin ja lasiha ahte dát lea dehálaš ja somás prošeakta mainna son háliida joatkit. – Mun sáhtašin jurddašin dákkár sulalaš bárggu boahtteáiggis maid, muitala Ramin.

Ovttaiduhttin

- Dát lea muhttin lágan fátmmasteapmi ja ovttaiduhttin. Leat olbmot Siellagis ja muđui dan guovllus geat eai ipmir dárogiela ja de lea dát fálaldat jurddašuvvon dego láhčin sidjiide, lohka Jon Henrik. - Fylkkaráđis mii oaidnit dán dego earenoamáš fálaldahkan ja lea čájehuvvon ahte oanehis áiggis sis leat lassanan geahččit. Dát prošeakta addá olu lassiváikkuhusaid našunála dásis maiddai, lohka politihkalaš ráđđeaddi Romssa fylkkasuohkanis, Trond Agnar Eilifsen ja savvá olu lihkku viidásit prošeavttain.

ANNONSE
Annonse