Oadjebas geaidnu, álbmotdearvvašvuohta ja biras leat sánit mat buoremusat čilgejit ja leat guovddažis dán kampánjas mii lea álggahuvvon Facebookas. Dán siiddus sáhtát lohkkat ahte leat 2000 biillat geat vudjet dán gaskka juohke jándora, ja eai dán gaskkas leat doarvái čuovggat ge.

Positiva kampánja

Leat moadde ássit Siellagis geat leat álggahan dán kampánja, nugo Kyrre Tunheim, Frode Bruvoll, Tor Arne Chruickshank, Ørjan Johansen ja Ellen Lise Woll. – Lea dehálaš deattuhit ahte dát kampánja lea jurddašuvvon leahkit positiiva. Heajos sihkkarvuohta lea diehttelas dehálaš muhto mii maid oaivvildit ahte dakkár luodda lea positiiva álbmotdearvvašvuhtii go de leat eambbosat geat sáhttet sihkkelastit ja vázzit dán gaskkas, lohka Woll.

Sii geat eai leat Facebookas sáhttet vuolláičállit kampánja listtuin mat leat biddjon sihke Coop Prixai ja Rema 1000, jus háliidat doarjut evttohusa.