Salangen-Nyheter

Vuotnasiidda joatkkaskuvla:

Oahppofálaldat bissu

Fylkkaráđđi oahpahusa ovddas Kent Gudmundsen muitala joatkkaskuvla oahpahusfálaldagaid birra min fylkkas.

VUOTNASIIDA:  Fylkkaráđis oahpahusa ovddas lea leamaš čoahkkin mearridan dihti makkár oahppofálaldagat galget jotkojuvvot ja makkárat galget biddjot eret joatkkaskuvladásis. Okta dáin mii bisuhuvvo lea industriijateknologii suorgi Vuotnasiiddas.

Salangen-Nyheter
Nye Salangen-Nyheter AS

Publisert:

ANNONSE
Annonse

Dál leat ohcanlogut boahtte jagi skuvlajahkái gárvásat ja disdaga 7.beaivve miessemánus lei Fylkkaráđis Oahpahusa ovddas čoahkkana mearridan dihti makkár oahppofálaldagat galget jotkojuvvot ja makkárat galget biddjot eret. – Dát lea dábálaš ja juoga maid mii bargat juohke jágii go ohcanlogut leat gárvásat, dajai Kent Gudmundsen gii lea fylkkaráđđi oahpahusa ovddas.

Čuvvot áiggi

Orro leamen nu ahte nuorat geat galget álgit joatkkaskuvlii čuvvot mielde áiggis ja dán dihte lea hui stuora oassi ohcan ovdamearkka dihti Petroleum suorgái mii lea Romssavákki (Tromsdalen) joatkkaskuvlas. – Mii oaidnit ahte leat olusat geat leat ohcan Petroleum suorgái Romssavákki joatkkaskuvlas, ja maiddai Automašuvnna suorgái mii lea Gárganis (Nordkjosbotn). Dáppe mii maid áigut dán dihti rahkadit ođđa fálaldaga, lohka Gudmundsen neahttaáviisii. Son doaivu ahte sivvan manne dát suorggit leat nu bivnnut lea dan dihti go lea áŋgiruššansuorgi Davvi-Norggas boahtte áiggis.

Fálaldat bissu

Vuotnasiidda joatkkaskuvllas lei evttohuvvon ahte industriijateknologii suorgi galggai biddjojuvvot eret go doivo bođi leahkit unnán beroštupmi dasa, muhto dát čájehuvvui leahkit boastut. Lea baicce leamaš lassáneapmi golmma ohccis gitta ovcci ohcciide geain lea dát sin vuosttaš sávaldat oahpahussii. – Lea nu ahte stuorimus oassi nuorain min fylkkas ožžot álgit dan oahpahussii masa lea savván álgit. Mii leat njunnošis riikadásis addit oahppofálaldaga mii lea bajimusas listtus min nuorain go sii galget válljet oahpahusa, loahpaha Gudmundsen.