Lea orrunbiilla searvi geat lágidit deaivvadeami. – Orrunbiila deaivvadeapmi addá olu, muitala Ivar Fjelstad. Dán rádjai leat gaskkal 20 ja 25 biilla geat leat dieđihan ahte sii bohtet ja rádji lea 30 biilla. – Eanaš biillat bohtet ránnjá suohkanis, muhto leat maiddai biillat mat bohtet Narvikas lulábealde ja Álttás davvin, son muitala viidáset.Lávvordaga lea busse márkanii ja das joatká viidáset oahpistan mátkin Lavangsnessi.

Suohtastallan

Lávvordaga leat mállásat eahkes diibmu 19 ja dan maŋŋel lea musihkka čuojahuvvon Allegros, ja lea maiddai vejolaš dánsut. Fjelstad oaivvilda ahte orrunbiilla deaivvadeamit leat hui bivnnut dan dihti go lea hui sosiála ja go olbmot besset deaivvadit ja oahpásnuvvat earáin gean lea seamma beroštupmi.