Salangen-Nyheter

Sámi oahpponeavvobálvalus:

Ovttas.no

Webdoaimmaheaddji Lasse Wigelius muitala sámi oahpponeavvobálvalusa Ovttas.no birra. GOVVA: ÁSTAVUONA GIELLAGOAHTIE

LOABAT: Bearjadaga 21.beaivvii geassemánus ledje sámi oahpponeavvobálvalus Ovttas.no bárgit guossis Loabága suohkanis muitaleame sin bálvalusaid birra. Sis ledje golbma diimmu gos sii čilgejedje ja muitaledje movt ja mainna sii barget.

Salangen-Nyheter
Nye Salangen-Nyheter AS

Publisert:

ANNONSE
Annonse

Neahttabáiki Ovttas|Aktan|Aktesne lea sámi oahpponeavvobálvalus mii álmmuhuvvui 26.beaivve čakčamánus 2011is. Neahttabáikkis gávnnat dieđuid sámi oahpponeavvuid birra, ja sáhtát daid luoikkahit neahta bokte Sámedikki oahpponeavvoguovddážis. Dáppe oaidná daid sámi digitála oahppanresurssaid ja spillaid, prentejuvvon girjjiid ja fáddágihppagiid, sámi filmmaid, tv-prográmmaid ja sámi musihka, mat gávdnojit golmma sámegillii ja girjegillii. Sámedikkis lea ovddasvástádus neahttabáikki sisdollui, ja Senter for IKT i utdanningen hoide teknihkkalaš beali.

Čohkket oahpponeavvuid

Dál leat bálvalusas registrerejuvvon badjel 400 geavaheaddji ja doppe leat badjel 3000 ohcanvuđot resurssa. Govvadiehtovuđđui leat almmuhuvvon badjel 500 gova. Buohkanassii leat badjel 120 iešguđet Ovttas.no-geavaheaddji luoikkahan badjel 470 resurssa. Statistihkka čájeha maiddái ahte Ovttas.no:s leat máŋggabealat geavaheaddjit. Das leat sihke dábálaš geavaheaddjit mat eai gula skuvlii, ja erenoamášpedagogat mat barget stáhtas . Dasa lassin gávnnat artihkkaliid sámi áššiid birra ja pedagogalaš rávvagiid.

Oahpahit geavahit

Ovttas doaimmahus lea álgán fitnat skuvllain, mánáidgárddiin ja giellaguovddážiin, ja mannan bearjadaga sii ledje Loabága suohkanis. Sis lea mihttu oahpahit ohppiid ja oahpaheddjiid mo galgá geavahit portála ja juogadanarenaid, muhto maiddai earáid geain sáhttá leahkit ávkin oahpponeavvuin. Juogadanarenas sáhtát ráhkadit quiz ja juohkit iežat govaid, dokumeanttaid ja liŋkkaid. Sáhtát maid oaidnit maid earát leat juohkán. Dainna lágiin olbmot sáhttet juohkit iežaset dieđuid ja olahit eambbosiidda.