Salangen-Nyheter

Johkapárka ollašuhttime:

Plánen ovdána

Ronald Martinsen lea bargi Sjøvegan Maskin ja Transportas ja lea okta sis gii bargá prošeavttain. GOVVA: JON HENRIK LARSEN

VUOTNASIIDA: Máŋga jagiid lea leamaš hupmu ja hállu rahkadit johkapárka Siellagii, ja dal orro nu ahte bargu sáhttá álggahuvvut.

Salangen-Nyheter
Nye Salangen-Nyheter AS

Publisert:

ANNONSE
Annonse

Sjøvegan Maskin ja Transport leat rahkadan priváhta regulerenplána mii galgá meannuduvvot suohkanis. Fitnodat lea bargan prošeavttain ja plánemiin 3-4 jagi, muitala Ronald Martinsen, gii lea virgáduvvon fitnodagas. – Ferte gulahallat máŋgga sajiin ovdal go ieš bárgu sáhttá álggahuvvut. Nu movt eanaeaiggádat, Norges vassdrags- ja energidirektorata ja suohkan, lohka Martinsen neahttaáviisii.

Bihtát saddjái

Dál lahkona ovttaoaivilvuohta gaskkal buhkaid geat leat guoskevaš daid plánaide ja de sáhttá bargu fargga álggahuvvut. – Árrat plánemis mii gulahalaimet buot eanaeaiggádin, geat leat positiivat prošektii. Dál álget bihtát boahtit saddjái, muitala Martinsen.

Galgá leahkit buohkaide

Moatti jagis fitnodat háliida dulbet eanadaga johkagátti guvlui. Das maŋil galgá ráhkaduvvot asfalterejuvvon bálgá mas leat oaggunsajit. Bálgá galgá heivehuvvot doaibmahehttejuvvon olbmuide maid ja galgá leahkit álki vánddardit daid bálgáin buohkaide. – Mun sávan ahte sáhttit gávdnát ruhtadoarjaga mii sáhttá leahkit mielde veahkeheamen min prošeavttain. Mii dárbbašit veahki dasa, earenoamážit go galgat heivehit doaibmahehttejuvvon olbmuide. Mii sávvat ahte leat muhtimat geat oidnet makkár vejolašvuođat leat dán prošeavttas ja ahte sii sáhttet veahkehit ollašuhttit dan, lohka Martinsen loahpalaččat.