Salangen-Nyheter

Čilgii dilálašvuođa skuvlas:

Positiivas rapporta

Johnny Sagerup, suohkanlaš hoavda Siellaga suohkanis, muitalii suohkanstivrii bohtosiid rapportas mii muitala skuvla dilálašvuođa birra.

VUOTNASIIDA: Mannan mánnodaga 17.beaivvii geassemánus lei Siellaga suohkanis stivračoahkkin. Okta áššin mii ovdanbuktojuvvui lei rapporta dilálašvuođa birra Siellaga skuvlas 2013 ovddas. Suohkanstivra lei duhtavaš bohtosiin.

Salangen-Nyheter
Nye Salangen-Nyheter AS

Publisert:

ANNONSE
Annonse

Dat lea čállojuvvon oahpahuslágas ahte skuvlaeaiggádat galget ráhkadit jahkásaš rapporta mii muitala dilálašvuođa birra oahpahusas. Stáhta dieđáhusas nr. 31 (2007-2008) boahtá ovdan ahte lea dehálaš ahte stivrenorgánat suohkanin ja fylkasuohkanin galgá leahkit dihtomielalaš ja diehtovuođuhuvvon gaskavuohta kvalitehtas mii lea vuođđooahpahusas. Dát lea dárbbašlaš čuovvundihti ovdáneami sektoris buoremus lágiin. Rapporta dilálašvuođas oahpahusas galgá gokčat oahppobohtosiid, luobahasa ja oahppobirrasa. Dát jahkásaš rapporta galgá ráđđádallojuvvot skuvlaeaiggádiin nugo suohkanstivras, fylkasuohkanin ja bajimuš hálddahusas priváhta vuođđoskuvlan.

Positiivas ovdáneapmi

Lei Johnny Sagerup, suohkanlaš hoavda, gii ovdanbuvtti rapporta oanehaččat suohkanstivračoahkkimii. Váldočuoggát rapportas lei oahppobiras ja ahte skuvla lea bargan aktiivvalaččat buoridit dán, hárdin lea njiedjan ja ii dohkkehuvvo, ja ahte fágalaš bagadallan lea buorránan. Earenoamážiid viđat luohkká lea buorebut ja  lea ovdánan riikadási geahččalemiin gos bohtosat lea leamaš vuollel fylkkadási. – Mun lean nu ovttageardán ahte mun jáhkán ahte dan maid leat bargan buoridit lea doaibman, logai Sagerup loahpas suohkanstivrii.

Politihkkarat rámidedje

Ledje moadde politihkkarat geat válljejedje váldit sáni ja juogadit earáin suohkanstivračoahkkimis man duhtavačča sii leat bargguin mii lea dahkkon ja ahte lei somá gullat ahte lea leamaš stuorit fokus oahpahusas, bohtosiin ja dan ahte oahppat. Deattuhuvvui Siellaga Bargiidbellodagas Jon Myrmel ja Åshild Bendiksen bokte ahte man dehálaš lea čájehit vuostehágu sin vuosttá geat hárdet, muhto maiddai deattuhit man buori bárgu dahkko skuvlabealis hárdima vuosttá. – Stuora giitu sidjiide geat barget nu buori bárggu  ahte mis lea rapporta dilálašvuođas skuvlas mii čujuha positiiva ovdáneami guvlui, loahpahii sátnejođiheaddji Ivar B. Prestbakmo.

Rapporta dohkkehuvvui ovttajienalaččat.