Neahttabuvddas galget vuvdot iešguđetlágan biergasat, nugo biilareaiddut, speallanreaiddut, johtasat ja maiddai dávvirat iPhone ja iPadii. Dasa lassin galget vel vuvdot iešguđetlágan “dingsat”, nu movt Mikalsen ieš gohčoda. Mikalsen oaivvilda ieš ahte son sáhttá falat earenoamáš vuollegis hattiid jus buohtastahttá muđui Norggas seammalágan buvddain. Son maid muitala ahte eanaš dávvirat buvddas mákset vuollel 300 ruvnno.

Ráhpa fargga

– Mun 15-jahkasaš bárdni lean dál gearggus ráhpat bures hutkojuvvon buvddain, gos váldofokus boahtá leahkit haddi ja fuolahit gávppašeaddjit bures, čállá Mikalsen ieš preassadieđáhusas. Dás maid čuoddju ahte neahttabuvddas boahtá leahkit vejolaš máksit sihke goarttain, máksit njuolga iežas kontos dahje go viežžat poastas. Neahttabuvda ráhpo 1.beaivvi čakčamánus. Neahttasiiddu gávnnat dá: http://www.dingzshop.com/