Lei jođiheaddji mánáidgárddis Tove Andberg gii sávai buohkaide bures boahtin ja son maid deattuhii ahte huksen ođđa mánáidgárddis lei rivttes ja dehálaš mearrádus ássiide Loabága suohkanis. Andberg maid gihtii suohkanstivra go sii válde mearrádusa hukset ođđa mánáidgárddi suohkanstivračoahkkimis geassemánus 2011is. Sátnejođiheaddji Erling Bratsberg lei gii almmolaččat rabai mánáidgárddi ja son giiti sin geat leat hukset mánáidgárddi iežas sártnis. Son maid ávžžuhii rávisolbmuid rivttes agis leahkit mielde doallat mánáidlogu báddjin suohkanis.

Herskostallan ja suohtastallan

Maŋŋel rahpama lei áigi daid stuorimus mánáide lávlut sin gussiide, sihke dárogilli, eŋgelasgillii ja sámegilli. Bárgit mánáidgárddis ledje maid rahkadan lávlaga mánáidgárdái maid sii lávlo. Edith Lyngmo Deanjá Sanitetsearvvis lei maid rahpamis ja son skeŋkii 5.000 ruvnno mánáidgárdái. Dán son dagai dan dihte go sin searvvis sii barget dan ovdii ahte mánáin galget leahkit buori bajásšaddanektot Loabága suohkanis. Maŋŋel go rahpan lei áigi herskostallat gáhkuin, gáfiin ja mánáide lei maid bruvsa.