Salangen-Nyheter

Nammaduvvon Hedda-bálkkašupmái:

Sirina balddonas

Anitta Suikkari neaktime Sirina balddonasa Silbajávrri teáhterbihtás. GOVVA: Beaivváš/Silbajávri/H.O.Utsi.

GUOVDAGEAIDNU: Anitta Suikkari lea nammaduvvon 2013 Hedda-bálkkašupmái iežas Sirina balddonasa neaktima ovddas diimmáš Silbajávrri teáhterbihtás.

Salangen-Nyheter
Nye Salangen-Nyheter AS

Publisert:

Annonse
Annonse

Disdaga miessemánu 21.beaivvi almmuhuvvui ahte Anitta Suikkari lea nammaduvvon 2013 Hedda-bálkkašupmái buoremus neaktinoasi ovddas Silbajávrri balddihahttis teáhterbihtás maid Rawdna Carita Eira lea čállán. Bihtás lei álgočájálmas diibmá čavčča ja Haukur J. Gunnarsson lei bagadallin.

Dovddus sámi neavttár

Anitta Suikkari gii lea 57 jagi, lea riegádan Karelenis Suomas, muhto lea orron ja bargan neavttáriin ja bagadallin Norggas badjel 30 jagi. 1983 álggahii son Sampo Teater joavkku Oslos, muhto fárrii dasto davás Romsii gos lei sihke neavttáriin ja dáiddalaš jođiheaddjin. Son lea leamaš mielde earret eará čuovvovaš teáhteriin: Perleporten, Hålogaland Teater, Agder Teater, Dramatikkens Hus ja Ice Globe Theater Čohkkirasas Ruoŧas, Giron Sámi Teáhteris ja 1990  rájes dássidit leamaš oassin Beaivváš Sámi Našunálateáhtera veagas.  Beaivvážis leat Anittas leamaš nana neaktimat máŋggaid teáhterbihtáin nugo  Sezuan (1991), Skoavdnji (1994), Lonuhus (2006), Giddagasas (2011) ja maŋemus Almmiriika (2012). Son lea bagadallan čuovvovaš bihtáin: Dearvvuođat (1993), Elle muitalus (2005) ja Gođus (2007). Dasa lassin lea neaktán filmmain ja TV buvttadusain, earret eará Havlandet (1985), Stol på ministeren (1996), Macbeth (2004), - ja 2004 nammaduvvui Amanda - bálkkašupmái buoremus nissonváldorolla Bazo filmmas.

Maiddai oassálastit

Beaivváš Sámi Našunálateáhter lea maiddái bovdejuvvon oassálastit Det Norske Teatret:s Oslos geassemánu 9.beaivvi dáiddalaš oassin Hedda-bálkkašumi doaluin unna oasážiin Ridnoaivi ja nieguid oaidni bihtás.

Nie čállá Beaivváš Sámi Našunálateáhter iežas preassadieđáhusas neahttaaviisii.