Salangen-Nyheter

Huksenbárgu jotkojuvvo Siellagis:

Skuvla ovdána

Buot politihkkarat mánnodaga suohkanstivras ledje mielde geahččame movt manna skuvla huksemin suohkanis. GOVVA: CAMILLA FINVIK

VUOTNASIIDA: Movt manna oktiibuot divuhemiin Siellaga skuvlas? Siellaga-Ođđasat ledje mielde go suohkanstivra Siellagis ledje geahččame ovdáneami barggus mannan mánnodaga.

Salangen-Nyheter
Nye Salangen-Nyheter AS

Publisert:

ANNONSE
Annonse

Huksenbargu skuvlas álggahuvvui čakčat 2012is ja ollislaččat leat sullii 4.300 kvadráhtamehter mii galgá ođasmahttojuvvot. Dál bargo olles leahtuin geargat buot bargguin olggobealde visttis ovdal go dálvi ja muohta boahtá.

Gilvu áiggiin

Ledje olusat geat háliidedje leahkit mielde geahččat movt manna bargguin ja dán dihti juhkkojuvvui joavku guovtti saddjái. – Mii leat aitto geargan bidjamin ođđa dáhki olles skuvlii. Dáhkki lei ovdal skifer-geađgis muhto dát lea dál lonuhuvvon dáhkiin mas lea namma Powertekk, mii galgá doallat skuvla goikkisin, logai teknihkalašhoavda suohkanis Reidar Berg. Son maid muitala ahte dál lea bargu olgun mii galgá gárvejuvvot nu bures go sáhttá ovdal go muohta boahtá.

Reidar Berg láidestii sin geat ledje boahtán geahččat movt manna bargu skuvllain. GOVVA: CAMILLA FINVIK.

Eai stuora rievdadusat

Álgoprošeavttas lei rehkenaston ahte visot boahtá máksit 69 miljon ruvnno, muhto sáhttá leahkit ahte loahpparehket šaddá olles 86 miljon ruvnno. – Muhtin sajiin mii leat unnidan bušeahtta, ja eará sajiin mii leat ges ožžon eambbo olggosgoluid, muitalii Berg. Son maid muitala ahte leat gaskkal 40 ja 50 bargit geat barget huksemin. – Dál sii leat bidjamin skoađđasa vistái. Šaddá liegga viessu go skuvla lea garvvis. Mii áigut biddját skoađđasa sihke siskkobealde ja olggobealde, loahpaha Reidar Berg.

Bargu mii lea dáhkkon dán rádjai čilgejuvvo ja čájehuvvo. Skuvla maid oačču fiinna olgosaji sihke stoahkanšiljuin ja spábbašiljuin. GOVVA: CAMILLA FINVIK