Salangen-Nyheter

Nuoraidkonsearta Evenášis:

SlinCraze lokti dáhki!

Artista ja ráppár SlinCraze lokti dáhki nuoraidkonseartas Evenášis mannan lávvordaga. GOVVA: VÁRDOBAIKI SÁMI GUOVDDAŠ

EVENÁŠŠI: Mannan lávvordaga lei nuoraidkonsearta Evenášis Skánit suohkanis gos sámi nuorra artista ja ráppár SlinCraze čuojahii. Lei stuora beroštupmi konsertii ja ledje nuorat boahtán miehta Romssa fylkkas.

Salangen-Nyheter
Nye Salangen-Nyheter AS

Publisert:

ANNONSE
Annonse

Várdobaiki Sámi Guovddažis lea sierra nuoraidjoavku geat deaivvadit oktii mánus. Dát nuorat álggahedje prošeavtta guovvamánus gos mihttu lei ahte sii galge oahppat lágidit konsearta, gitta álggus lohppii. Dan rájes go álggos váldet oktavuođa artisttain ja dasa go konsearta lea geargan. Sii leat ožžon veahki sis geat lágidit Márkomeannu festivála ja oahppan olu sis.

Somas eahket

Lávvordaga lei viimmat áigi konsertii ja lágideaddjit ledje hui duhtavačča mannjel go visot lei nohkkan. – Mii leat hui duhtavačča ja lei maiddai buorre konsearta. Ledje 36 nuorat doppe konsearta vuolde, muitala Elise Marie Nilssen Broderstad, geas lea leamaš ovddasvástádus preassa doaimmahit. Son maid sáhti muitalit ahte ledje boahtán nuorat sihke Harstad, Skánit, Kongsvik ja Liland guovlluin.

Givssideapmi

Ovdal konsearta lei sis geat ledje lágideaddjit oanehis deaivvadeapmi artistan SlinCraze-ain gos fádda lei givssideapmi ja hárdin. – Dát deaivvadeapmi ja sagastallan lei earenoamáš buorre ja mii dovddaimet ahte lei olu oahppu maid son jugii iežas vásáhusain, lohka Elise. Maŋŋel dán deaivvadeami SlinCraze maid doalai oanehis konsearta mánáidjovkui. – Lea leamaš nu somá beassat leahkit mielde lágidit dakkár doaimmaid ja mii leat oahppan nu olu, loahpaha Elise.