Lei mannan vahkku ahte jagi stuorámus dahpahus Ivvárstádin lágiduvvui, sihkkelgilvu mas lea namma Tour de Andørja. Mihttu doaluin lei ahte galge leahkit doaimmat mat ledje heivehuvvon buohkaide, oaivvilda Anne Jensen, gea lei mediaovddasvástádus. – Lea stuorimus dahpahus jagis, mat buktet ollu oassálastit ja maiddai olu geahččit, lohka Jensen. Son maid muitala ahte olbmot leat heivehan iežaset luomuid doaluid mielde. – Olbmot leat issorasat doapman vai galge leahkit gergosat mannan vahkku doaluide, son muitala.

Valáštallanvahkku

Ii lean dušše sihkkelastin mii lei plánas. Prográmmas lei olles vahkku gohččoduvvon valáštallanvahkkun ja ledje doaimmat sihke mánáide ja ollesolbmuide. Okta váldodoaimmain lei Trippel Chilenge, gos oassálastit galge viehkat luonddus, sihkkelastit luotta alde ja gizzut váriin. Disdaga lei maid áigi jahkásaš Ivvárstáditgilvvuide. – Mihttu lei ahte galggai leahkit aktiivvalaš vahkku ja mii geahččaleimmet deavdit dan buoremus lágiin, lohka Jensen.

- Álbmotfeasta!

Vahkku galggai leahkit heivehuvvon sihke valáštalliide, lášmmohalliide, mánáide ja ollesolbmuide. Lassin valáštallamiidda ledje maiddai kultuvrralaš doaimmat oassin vahkkus. Tour de Andørja taleantat, ritmmalaš suohtastallamat ja dáiddakursa nuoramus oassálastide ledje maid oassin prográmmas. – Eai galgan váilot fálaldagat buohkaide,loahpaha Jensen.