Salangen-Nyheter

Válga 2013:

Stuora vuordámušat

Inger-Lise Sætrevik Apeland lea čeavlái go lea ožžon vuosttaš jienastanlihppu poastas. GOVVA: VERONICA KLAUSSEN

VUOTNASIIDA: Eatnasiidda soaitá orrot suorggahahtti jienastit vuosttaš háve. Go galgá jienastit vuosttaš háve lea olu maid galgá muitit muhto maiddai diehtit.

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

Inger-Lise Sætrevik Apeland devddii 18 jagi ii nu áigá ja dál son lea ožžon vuosttaš jienastanlihppu poastas. Neahttaáviisa lea humadan suinna gullat maid son jurddaša jienasteami birra.

Áigá mearridan

Son muitala ahte ii lean nu váttis mearridit makkár bellodaga ala son boahtá jienastit. – Mun dieđusge guorahallen veaháš ovdal go mearridin. Čuvvon mielde digaštallamin TV:s, ja dasa lassin gávdnojit olu dieđut neahtas daid iešguđet lágan bellodagaid birra ja maid sii oaivvildit, muitala Inger-Lise duođalaččat.

Mu válga

Inger-Lise muitala viidásit ahte lea boarrásiidfuolaheapmi masa sus earet eará lea beroštupmi. – Mun háliidan ovdamearkadihti sihkkarastit ahte boarrásat galget oažžut saji boarrásiidsiidii, son lohka áŋgirit. Lea álki báidnojuvvot olbmáid ja bearraša oaiviliidda ja jurdagiidda, muhto son čuoččuha ahte dát lea 100% su mearrádus, su válga.

Válgabeaivi

Dat lea Siellaga kulturviesus visto dáhpahuvvo 9.beaivvi čakčamánus. Uvssat leat rabas duorastaga diibmu 16.00 gitta 20.00 rádjai, ja bearjadaga ges diibmu 10.00 gitta 14.00 rádjai. – Mun lean veaháš speanta movt galgá mannat válgabeaivvi, muhto rehkenastán mielde ahte manna bures. Čuoddju hui bures čilgejuvvon jienastuslihppus maid ožžon poastas. Ja mun ferten vel muittuhit eará nuoraid geat galget jienastat vuosttaš geardde ahte muitet váldit mielde legitimašuvnna. Dat lea sihke dehálaš ja dárbbašlaš, son loahpaha.