Salangen-Nyheter

"Fryseriet" Siellagis:

Suollagat olgobáikkis

Dá lea Per Willy Knutsen heahteuvssa luhtte gos vuolalihtit suoláduvvo olggos olgobáikkis. – Lihkus fuomášin suoládeami jođánit, lohka son. GOVVA: CAMILLA FINVIK

MEDBY: Lei mannan vahkkoloahpa go Irish Stout joavku čuojahii Fryseriet olgobáikkis ahte eaiggát olgobáikkis fuomášii ahte muhtin lei suoládan guokte vuolalihtti.

Salangen-Nyheter
Nye Salangen-Nyheter AS

Publisert:

ANNONSE
Annonse

– Lei lihkku ahte fuomášin suoládeami nu jođánit go de ollejin fáhtet su gii lei geahččaleamen suoladit mis, muitala eaiggat Per Willy Knutsen Siellaga-Ođđasiidda. Knutsen muitala ahte dát dahpahuvvui maŋŋel go ledje gidden guossoheami ijas sotnabeaivái. – Ledje ain sullii 60 olbmo siste go giddejin guossoheami ja moattis olgun, ja go fuomášin dagu. Uksa mii maiddai lea heahteuksa, lea álo rabas go sis leat konseartat jus dette dahpahuvva juoga mii dagaha ahte dát ferte geavahuvvot

Dádjumin

– Doivon álggos ahte lei muhtin gii lei dádjumin muinna. Dánne gehččen álggos lei go čihkon hivssegiidda go jurddašin muhtin lei čiehkan daid dohko. Muhto go de oidnen ahte heahteuksa lei rabas ja áibbas caggut ipmirdin ahte muhtin duođaid lei suoládan mis, muitala Knutsen viidáset.

Ledje dat guokte bajimus vuolalihtti mat geahččaluvvo suoláduvvot.  GOVVA: CAMILLA FINVIK

Dieđihuvvo politiijaide

Lihkkus lei muhtin oaidnán dágu ja dainna lágiin oaččui son fas ruovttoluotta vuolalihtit. – Dát boahtá dieđihuvvot politiijaide ja son gii lei geahččalan suoládit ii beasa šat sisa olgobáikái. Knutsen maid muitala ahte sii leat dál lonuhan rahpanbeaivvi ja dál sis lea rabas gaskkavahkkuid, ja maiddai vahkkoloahpain.